İqtisadiyyat

Səfir: "Kuba Azərbaycanın qazma işləri üzrə təcrübəsində maraqlıdır"

27 Dekabr 2012 13:49

Baxış: 1 494

VTB-də minimal faiz dərəcəsi ilə nağd kredit 9.9%-dən

#CUBA #MEXİCO #LATİN AMERİCA

Bu yaxınlarda Meksika körfəzi sahillərində kəşfiyyat qazmasına başlayan Kuba Azərbaycanın bu sahədəki təcrübəsinə maraq göstərir. Trend-in məlumatına görə, bu barədə Kubanın Azərbaycandakı səfiri Omar Medina Kintero jurnalistlərə bildirib.

Diplomat hesab edir ki, Azərbaycan karbohidratların hasilatında zəngin təcrübəyə malikdir və bu təcrübə Kuba üçün faydalı ola bilər.

Meksika körfəzindəki Kuba milli şelfində yüksək keyfiyyətli böyük neft ehtiyatları aşkar edilib və ölkə hələ ötən yayda öz sahillərində kəşfiyyat qazmasına başlamaq niyyətini açıqlayıb. Bu gün orada İspaniyanın "Repsol" və Norveçin "Statoil", Malayziyanın "Petronas" və Venesuelanın "Pdvsa" şirkətləri işləyir.

Diplomatın sözlərinə görə, Kuba daxili ehtiyacları üçün hər il təxminən üç milyon ton neft hasil edir.

"Lakin məlumdur ki, daha böyük ehtiyatlar var və biz indi bu işə xarici şirkətləri cəlb edirik. Məlumdur ki, Azərbaycanın dərin sularda aparılan qazma işlərində təcrübəsi var və bu təcrübə bizim üçün faydalı ola bilər", - səfir qeyd edib.

Onun sözlərinə görə, iki ölkə neft sahəsində kadr hazırlığı üzrə fəal əməkdaşlıq edə bilər.

Milli.Az