İqtisadiyyat

Holcimin 100 illiyinə 400-dən çox agac əkildi - FOTO

18 Dekabr 2012 12:31
Baxış: 603
VTB-də minimal faiz dərəcəsi ilə nağd kredit 9.9%-dən
#AZERBAİJAN #HOLCİM LTD
Bakı şəhərinin Qaradağ rayonu ərazisində Holcim Şirkətlər Qrupunun 100 illiyinə həsr olunmuş tədbirlər silsiləsinin tərkib hissəsi olaraq Holcim (Azərbaycan) şirkətinin əməkdaşları yaşıllaşdırma aksiyasını keçirmişlər.

Könüllü olaraq təşkil olunmuş ağacəkmə aksiyası qeyri-adi şəkildə həyata keçirilmişdir. Yüzlərlə əməkdaşın qruplar şəklində iştirak etdiyi könüllü aksiyaya ilk öncə ərazinin təmizlənməsi və suvarma üçün suyun çəkilməsi daxil idi. Daha sonra şirkət işçiləri 400-dən artıq ağac əkərək, yaşıl zonaya öz töhfələrini vermişlər. Yeni əkilən ərazi növbəti illərdə daha da genişləndiriləcək və daha böyük yaşıl zona qurulmasına imkan yaradacaqdır.

Nəticə etibarı ilə bu təşəbbüs ölkənin davamlı inkişafını əsas xətt tutaraq, korporativ dəyərlərimiz və öhdəliklərimiz çərçivəsində yaşıllıq ərazini artırmağa və eyni zamanda ətraf mühitin qorunması istiqamətində müsbət təşəbbüsdür. Qeyd etmək lazımdır ki, Qaradağ ərazisində keçirilən bu ağacəkmə aksiyası Holcim Şirkətlər Qrupunun 100 illiyinə həsr olunaraq qlobal səviyyədə 200.000-dən çox könüllü saat sərf olunmuşdur. Davamlı inkişafın təşviq olunması və müvəffəqiyyətli ətraf mühit göstəricilərinə nail olmaq üçün Holcim öndəgedən şirkətdir.

Dünyanın 70-dən çox ölkəsində fəaliyyət göstərən Holcim şirkətində 80.000 əməkdaş çalışır. Şirkət dünyanın aparıcı sement, doldurucu (qırmadaş, çınqıl və qum), həmçinin hazır beton və asfalt təchizatçısıdır. 2003-cü ildə Holcim Dow Jones Sustainability World Index (Dou Cons Ümumdünya Davamlılıq İndeksinin) üzvü kimi qeydə alınmışdır. Şirkət tikinti materialları sənayesində dünyanın ən qabaqcıl şirkətlərindən biri kimi tanınır. Holcim həmçinin "FTSE4Good Davamlılıq İndeksi"ndə də sıralanır.

Böyütmək üçün şəkillərə klikləyin.









Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.