İqtisadiyyat

Azərbaycan kartof ixracından 30 milyon dollara yaxın gəlir əldə edib

19 Avqust 2026 18:59

Baxış: 279

VTB-də minimal faiz dərəcəsi ilə nağd kredit 9.9%-dən

Bu ilin yanvar-iyul aylarında Azərbaycan 77,4 min ton kartof ixrac edib.

Milli.Az Dövlət Gömrük Komitəsinə istinadən xəbər verir ki, bu həcmdə kartofun dəyəri 29,7 milyon ABŞ dolları təşkil edib.

Bu isə ötən ilin müvafiq dövrü ilə müqayisədə həcm baxımıdan 6,6 min ton (9,2 %), dəyər baxımından isə 1,6 milyon ABŞ dolları (5,5 %) çoxdur.

Hesabat dövründə kartof ixracından əldə edilən gəlir Azərbaycanın ixrac gəlirlərində cüzi paya malik olub.

7 ayda Azərbaycan xarici ölkələrlə 29 milyard 216 milyon ABŞ dolları dəyərində ticarət əməliyyatı aparıb. Bu, ötən ilin eyni dövrünə nisbətən 1,3 % çoxdur.

Xarici ticarət dövriyyəsinin 19 milyard 336 milyon ABŞ dolları ixracın, 9 milyard 881 milyon ABŞ dolları isə idxalın payına düşüb. Son 1 ildə ixrac 27 % artıb, idxal isə 27,4 % azalıb. Son nəticədə xarici ticarətdə 9 milyard 455 milyon dollarlıq müsbət saldo yaranıb. Bu da illik müqayisədə 5,9 dəfə çoxdur./"Report"

Müəllif: Ülkər Vəliyeva (Milli.Az redaktor)