İqtisadiyyat

Qızıl bir həftəyə bahalaşdı - AÇIQLAMA

6 Yanvar 2026 11:25
Baxış: 2 400
VTB-də minimal faiz dərəcəsi ilə nağd kredit 9.9%-dən
#İQTİSADİYYAT

Son vaxtlar qlobal miqyasda olduğu kimi, Azərbaycanda da qızılın qiymətində nəzərəçarpacaq yüksəliş qeydə alınır. Xüsusilə toy mövsümünün aktiv dövrünə təsadüf edən bu artım qızıl bazarındakı mövcud vəziyyətə marağı daha da artırır.

Milli.Az xəbər verir ki, satıcılar qiymət artımının alıcılıq qabiliyyətinə müəyyən qədər təsir etdiyini desələr də, qızıl alanlar qiymətlərin sürətli dəyişməsindən narazıdırlar.

Bazardakı mövcud vəziyyəti satıcılar belə şərh edirlər:

"Qızılın bahalaşmasına rəğmən, hazırda müştəri çoxdur. İnsanlar təşvişə düşdükləri üçün qızıl almağa daha çox meyillidirlər. Hazırda 585 ayar qızılın qiyməti 170-180 manatdır. 750 ayar qızılın qiyməti isə 200-220 manatdır, ərəb qızılı isə daha bahadır". 

Alıcılar isə qiymət sabitliyinin olmamasından gileylənirlər:

"Qiymətlər çox bahadır. Biz noyabr ayında gələndə tamam başqa qiymətlər idi, indi isə xeyli fərq var. Hətta bir həftənin içində belə qiymətlər dəyişir".

Məsələ ilə bağlı iqtisadçı Xalid Kərimli bildirib ki, bir çox dövlətlər qızıla investisiya edirdi:

"Həmçinin, Azərbaycanda da Neft Fondu öz rezervlərinin bir hissəsini qızıla keçirib. Bu baxımdan dünyada qızılın alışı artdı bu da təbii olaraq qiymət artımına gətirib çıxartdı. Bundan əlavə olaraq qızılı hədiyyə edənlər, toy edənlər və özəl anlarda ilk alınan əşya olduğu üçün bu da zərgərlik tərəfdən də qiyməti artırır". 

Aysel Əkbər
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.