İqtisadiyyat

Tikinti bazarında durğunluqdur - Evlər ucuzlaşa bilər

7 Oktyabr 2025 10:30

Baxış: 1 805

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #TİKİNTİ

Tikinti materialları bazarında qiymətlər mütəmadi dəyişir. Lakin sahibkarların sözlərinə görə, bazarda qiymətlər son aylar stabil olaraq qalıb.

Milli.Az xəbər verir ki, sahibkarların sözlərinə görə, bazarda vəziyyət ürəkaçan deyil:

"Alıcı sayı çox azdır. Son 6 ay ərzində qiymətlərdə bahalaşma olmayıb. Hətta dam örtüklərində qiymətlər bir az aşağı enib. Qiymətlər ucuzlaşıb, nəinki bahalaşsın".

Elə alıcılar da bu dəfə bazardakı qiymətlərdən razılıq edirlər. Onların sözlərinə görə, yaxşı keyfiyyətdə materialı münasib qiymətə tapmaq mümkündür.

Bəs qiymət dəyişimi daşınmaz əmlakın qiymətlərinə necə təsir edir?

Məsələ ilə bağlı əmlak eksperti Elnur Fərzəliyev bildirib ki, çoxmərtəbəli binaların bazaar dəyəri onun yerləşdiyi torpaq sahəsindən asılıdır:

"Mərkəz ərazilərdə torpağın baha olması tikintinin maya dəyərinin artmasına gətirib çıxarır. Tikinti materialının qiymətlərində olan artımlar tikintinin ümumi xərcinin ortalama 5 faizi qədər artımına gətirib çıxarır ki, bu da təqribi satış qiymətlərində böyük nəzərə alınmır. Lakin fərdi yaşayış evlərinin inşaatı zamanı daha çox önəm tikinti materiallarının satış qiymətinə verilir".

Ekspert son olaraq qeyd edib ki, fərdi yaşayış evlərində material qiymətləri satış qiymətlərinin dəyərini birbaşa artırır. Çoxmərtəbəli binalarda isə əsas amil torpaq sahəsinin dəyəridir.

Asya
Milli.Az

Milli.Az - Xəbər Portalı

Tikinti bazarında durğunluqdur - Evlər ucuzlaşa bilər

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?