İqtisadiyyat

Çiyələyin qiyməti üz qızardır

2 May 2025 12:29

Baxış: 2 454

VTB-də minimal faiz dərəcəsi ilə nağd kredit 9.9%-dən

#MEYVƏ-TƏRƏVƏZ

Cəlilabaddda bir neçə həftədir ki, çiyələk yığımına başlanılıb. Örtülü şəraitdə becərilən məhsul fermerlərə məhsulu bazara 1 ay tez çıxartmağa imkan verir.

Milli.Az xəbər verir ki, bu il havaların qeyri-sabit keçməsi səbəbindən yığım ötən illə müqayisədə təxminən 15 gün gecikib. Bununla belə məhsuldarlıq qənaətbəxsdir.

Fermerlər bildirirlər ki, keçən il 2.5-yə satılan çiyələk bu il 3.5, 3.7 manata təklif olunur. Cəlilabad çiyələyi təkcə yerli bazarda deyil, xaricdə Rusiya və Qazaxıstanda da tələbat var. Fermələrin sözlərinə görə, onlar məhsul bolluğu yaradaraq ilkin növbədə daxili bazarı təmin etməyə çalışırlar. Qiymətlər artsa da, çiyələyə tələbat azalmayıb.

Satıcıların sözlərinə görə, məhsul nübar olduğu üçün satışı da yaxşıdır. Bazarda 3-4 manata satılan çiyələk mağazalarda isə 6-7 manata təklif olunur.

Cəlilabad Dövlət Aqrar Mərkəzindən bildirildi ki, kənd təsərrüfatı məhsullarının qiyməti bazar prinsipləri ilə formalaşır. Qiymətlərin isə dövlət tərəfindən tənzimlənməsi gözlənilmir.

Qeyd edək ki, bu il Cəlilabadda 650 hektar sahədə çiyələk əkilib. İndiyədək isə 250 ton məhsul satışa çıxarılıb.

Aysel Əkbər
Milli.Az