İqtisadiyyat

Bakıda 15 minə evlər satılır - Şərtlər açıqlandı

11 Yanvar 2025 06:47
Baxış: 3 330
VTB-də minimal faiz dərəcəsi ilə nağd kredit 9.9%-dən
#EV

Son vaxtlar Bakıətrafı qəsəbələrdə sifarişlə ev tikintisi ilə məşğul olan şirkətlər kəskin artıb. Bu cür şirkətlər müştərilərin istəyinə uyğun olaraq, müxtəlif ölçülərdə və quruluşlarda fərdi yaşayış evlərin tikintisini həyata keçirir. Sosial şəbəkələrdə və elan saytlarında dərc edilən reklamlar vasitəsi ilə xidmətlərini təklif edən belə şirkətlərə maraq isə olduqca böyükdür.

Milli.Az xəbər verir ki, Yenisabah.az Hövsan qəsəbəsində sözügedən qaydada evlər hazırlayan şirkətlərin biri ilə əlaqə saxlayaraq mövzunu araşdırıb.

Şirkət nümayəndəsi bildirib ki, ilkin ödənişin məbləği müştərinin sifarişi və tikiləcək evin sahəsinə görə müəyyən edilir:

"İlkin ödəniş minimum 15 min 500 manat məbləğində nəzərdə tutulur. Bu evlər müştərilərin sifarişi əsasında tikilir. Evin tikiləcəyi torpaq da bu qiymətin içərisindədir. 2 otaqlı ev üçün ümumi qiymət 48 min manatdır. İlkin ödəniş 15 min 500 manat olmaqla, yerdə qalan məbləğ 40 aya bölünür.

Evin kvadratı böyüdükcə, qiymətlər də qalxır. 3 otaqlı evlərimiz 63 min manata başa gəlir və ilkin ödəniş 20-25 min manat təşkil edir. Yerdə qalan məbləğ isə eyni qaydada 40 aya bölünür. Torpaq standart 1.5 sot olur, bəzi hallarda müştərinin istəyindən asılı olaraq, 2 sot ola bilər. Evlərin tikildiyi torpaqların hamısı tam sənədlidir. Əgər torpağı müştəri təqdim edirsə, biz şirkət olaraq həmin ərazidə də evi tikə bilirik. Lakin bu zaman ödəniş kreditlə deyil, hissəli ödənişlə olur".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.