İqtisadiyyat

Holcim (Azərbaycan) ASC yeni adın elan olunması münasibətilə müştərilər üçün tədbir keçirdi

19 May 2012 11:00

Baxış: 602

VTB-də minimal faiz dərəcəsi ilə nağd kredit 9.9%-dən

#AZERBAİJAN #HOLCİM LTD

Holcim (Azərbaycan) ASC, keçmiş Qaradağ Sement şirkəti, "Kempinski Badamdar" otelində Holcim adının elan olunması münasibətilə müştərilər üçün tədbir keçirdi.

Qeyd etmək lazımdır ki, sözügedən tədbir müştərilərin Holcim Azərbaycan ilə daha yaxından tanış ola bilmələri və gələcək uğurlu əməkdaşlıq üçün yeni imkanların təqdim edilməsi məqsədilə təşkil olunmuşdu.

Yeni adın təqdimatı tədbirinin əsas məqsədləri: Holcim Qrup və Holcim Azərbaycanın təqdimatı və dəyişmənin gətirəcəyi üstünlüklər barədə məlumat verilməsi, Holcim Azərbaycanın təqdim etdiyi yeni adlı məhsul və xidmətlərin təqdimatı və müştərilərə yeni marketinq kommunikasiya materiallarının paylanılması idi.

Bundan əlavə, tədbir iştirakçıları ölkənin qeyri-neft sektorunun ən böyük investisiyası olan (300 milyon avro) zavodun müasirləşdirilməsi və genişləndirilməsi layihəsinin başa çatması haqqında məlumat aldılar. Ölkənin ilk quru üsullu sobası olan yeni soba xətti minimum enerji sərfiyyatı ilə istehsal prosesinin əsasını təşkil edir. Qeyd olunduğu kimi, Holcim innovativ məhsullar, həmçinin infrastruktur, qeyri-yaşayış və yaşayış binaları üçün həll yolları təchizatı vasitəsilə Azərbaycanın böyük potensialının bir hissəsi olmaq missiyasına inanır.

Tədbirdə inşaat sektoru sahəsində fəaliyyət göstərən Azərbaycan biznesinin 140-a yaxın təmsilçisi iştirak etdi.

Holcim dünyanın aparıcı sement və doldurucu (qırmadaş, çınqıl və qum), həmçinin hazır beton, asfalt və tikinti xidmətləri təchizatçısıdır. Qrup bütün qitələr üzrə 70-dən çox ölkədə böyük və kiçik sərmayə paylarına malikdir.

Holcim - İnşaatda Dünya Təcrübəsi!