İqtisadiyyat

Ötən il 290 sahibkarlıq subyektinin pozulmuş hüquqlarının bərpası təmin edilib - Orxan Məmmədov

16 Mart 2023 11:53

Baxış: 882

VTB-də minimal faiz dərəcəsi ilə nağd kredit 9.9%-dən

#İQTİSADİYYAT

2022-ci il ərzində 290 sahibkarlıq subyektinin pozulmuş hüquqlarının bərpası təmin edilib.

Milli.Az Trend-ə istinadən bildirir ki, bunu KOBİA İdarə Heyətinin sədri Orxan Məmmədov Bakıda keçirilən Korrupsiyaya qarşı mübarizə idarəetmə sistemi üzrə seminarda deyib.

O.Məmmədov bildirib ki, agentlik ölkədə KOB subyektlərinin maraqlarının qorunmasında və problemlərinin həllində iştirak etmək səlahiyyətinə malikdir:

"Sahibkarların hüquqlarının pozulması ilə bağlı daxil olan şikayət xarakterli müraciətlər üzrə araşdırmalar maraqların tərəflərin iştirakı ilə aparılır, hər bir müraciətin icrasına fərdi qaydada yanaşılır. Bu səpkidə 2022-ci il ərzində 290 sahibkarlıq subyektinin pozulmuş hüquqlarının bərpası təmin edilmişdir.

Agentliyin KOB Evləri vasitəsilə biznes subyektlərinə dövlət və özəl qurumlar tərəfindən göstərilən xidmətlərin vahid məkanda və əlaqələndirilmiş formada çatdırılması təmin edilir. Burada əsas məqsəd hər bir xidmətin sahibkar məmnunluğu təmin edilməklə qanunauyğun, keyfiyyətli və şəffaf həyata keçirilməsidir. Ötən müddət ərzində KOB evlərində göstərilmiş xidmətlərin məmnunluq səviyyəsi 98% təşkil etmişdir. Hazırda Bakı ilə yanaşı, Xaçmaz və Yevlax şəhərlərində də KOB evi fəaliyyət göstərir. Bu baxımdan, bugünkü seminarın Bakı KOB Evində təşkil edilməsi də müəyyən rəmzi çalarlar daşıya bilər" ,- Agentlik sədri əlavə edib.

Milli.Az