İqtisadiyyat

İranın elektrik şəbəkəsi Azərbaycana qoşulur

22 Noyabr 2022 08:02
Baxış: 580

İranın elektrik şəbəkələrinin Rusiya, Azərbaycan və Ermənistanla sinxronlaşdırılması layihəsi hazırda icra mərhələsindədir.

Milli.Az axar.az-a istinadən bildirir ki, bunu İranın energetika naziri Əli Əkbər Mehrabian deyib.

Onun sözlərinə görə, Rusiya və İranın elektrik şəbəkələrinin ilkin sinxronlaşdırılması başa çatıb, həmçinin Rusiya, Ermənistan, Azərbaycan və İranın elektrik şəbəkələrinin birgə sinxronlaşdırılması üçün texniki tədbirlər həyata keçirilir.

"Elektrik şəbəkələrinin sinxronlaşdırılması və qoşulması İranda enerji sisteminin sabitləşməsinə kömək edəcək", - deyə o bildirib.

Nazir əlavə edib ki, ölkəsi layihənin texniki sektorlarının inkişafı ilə məşğuldur. O, həmçinin qeyd edib ki, adıçəkilən ölkələr elektrik enerjisinin mübadiləsini də müzakirə edirlər.

"Elektrik enerjisinə ehtiyacımız olanda onu Azərbaycan, Ermənistan və Türkmənistandan idxal edə bilərik", - deyən nazir əlavə edib ki, profisit olduğu dövrlərdə İran elektrik enerjisi ixrac edilə bilər.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics