İqtisadiyyat

"Hərbçilərin pensiyasına əlavələrin hesablanmasında nöqsanlar aşkarlanıb"

11 Yanvar 2022 12:18
Baxış: 1 074

Aparılan monitorinqlər nəticəsində 250-dən çox hərbi qulluqçunun təminat xərclərinin tərkibində olan əlavələrin hesablanmasında nöqsanlar aşkarlanıb.

Milli.Az Trend-ə istinadən xəbər verir ki, bunu Dövlət Sosial Müdafiə Fondunun Xüsusi Şərtlərlə Təyinat üzrə Mərkəzi Filialının direktoru Şahin Əliyev deyib.

Onun sözlərinə görə, həmin əlavələr yenidən hesablanıb və hərbi qulluqçuların pensiyalarında müəyyən faiz nisbətində artımlar həyata keçirilib.

"Bu, hərbi qulluqçulara münasibətdə qısa müddətdə gördüyümüz işlərin nəticəsidir" - deyə o bildirib.

2020-ci ilin mart ayından bu günə qədər ailə başçısını itirən 1200 nəfərin əmək pensiyası yenidən hesablanıb.

Şahin Əliyev qeyd edib ki, onlara ödənilən aylıq əmək pensiyasının məbləği ümumilikdə 458 min manat idi. Lakin yenidən hesablama nəticəsində bu rəqəm 940 min manata qalxıb.

"Aylıq maliyyə yükümüz 482 min manatdır. Bir pensiyaçının pensiyası orta hesabla 390 manatdan 800 manata qədər artdı. Bu birbaşa 105 % artım deməkdir. Bu şəxslərə keçmiş dövr üzrə 15 milyon manatdan artıq vəsait hesablanıb. Həmin vəsait qanunvericiliyin tələblərinə uyğun olaraq onların artırılmış pensiyaları üzərinə əlavə edilməklə ödənilir", - deyə Ş.Əliyev bildirib..

Milli.Az

35 000 AZN-dək krediti ONLAYN sifariş et!

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.