Mədəniyyət

"Səni sevirəm, böyük adam" - Yaqub Zurufçunun xanımı

15 Sentyabr 2021 20:12
1 Şərh     Baxış: 3 047

Xəbər verdiyimiz kimi, Əməkdar artist Yaqub Zurufçu bu gün "Qurd qapısı" qəbiristanlığında torpağa tapşırılıb.

Milli.Az axşam.az-a istinadən xəbər verir ki, müğənninin xanımı Aynur Zurufçu dəfn mərasimində mərhumla bağlı açıqlama verib. O, həyat yoldaşının məzarı üstündə bunları söyləyib:

"Qəhərlənirəm, bilirəm ki, böyük adamlar haqqında kiçiklər danışmamalıdır. Onun qarşısında söz söyləməyə, son söz demək üçün kiçik adamam. Yaqub Zurufçu ürəyi, beyni Azərbaycanla döyünən idi. Ondan öyrənmişəm azərbaycançılığı. Dünyanı gəzdi, gəlib Azərbaycanda özünə yurd qurdu.

Yaqub Zurufçu evimizdən yox, elimizdən getdi. Onun xatirəsini daim yaşadacam, xalq, oğlumuz yaşadacaq. Səni sevirəm, böyük adam.

Təəssüf edirəm ki, Yaqub Zurufçu bu formada dəfn olunur. O, zirvələrə layiqdir. Pandemiyaya görə belə oldu. Əksi halda o, sevdiklərinin çiynində son mənzilə yola salınacaqdı".

Qeyd edək ki, Y.Zurufçu koronavirus infeksiyasına yoluxub. O, ötən gün müalicə aldığı xəstəxanada vəfat edib.

Milli.Az

Şərh yaz:

1 Şərh:

  • Anonim
    asi · 15 Sentyabr 21:1881

    Allah rəhmət etsin, gözəl sənətkara..Azərbaycan incəsənəti, mədəniyyəti hər gün bir az daha kasıblaşır..” Ayrılıq” mahnısı ilə, musiqi sahəsində öz möhrünü vurmuş daha bir sənətkarı itirdik..Mən o mahnının sədaları altda necə böyük Böyük Azərbaycan xəyalları qururdum, yenə də qururam..Azərbaycan musiqi mədəniyyətində Güney və Şimali Azərbaycanın ayrılığını Yaqub bəy kimi, içdən və mənalı, kövrək, ən əsası isə, o cür səviyyəli canlandıran hələki ikinci bir əsər sahibi görməmişəm..Yaqub bəyin ifası ilə “ Ayrılıq” mahnısı ikiyə bölünmüş bir millətin fəryadıdır sanki..Bölünmüş torpaqlar, bölünmüş millət,məhəbbətlər,körpülər,nəsillər, talelər, mədəniyyət, tarix, sənət, dil, hər şey bir mahnda, klipdə özünü əks etdirib..Bundan böyük sənətkarmı, sənətkarlıqmı olardı??(..

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.