Mədəniyyət

Azərbaycan ilk dəfə bu festivalda təmsil olundu

5 Aprel 2021 18:27
Baxış: 629

Müsəlman İncəsənət və Mədəniyyət Festivalı bu il ilk dəfə beynəlxalq miqyasda təşkil olunub və Azərbaycan Diasporuna Dəstək Fondunun maliyyə dəstəyi ilə ölkəmiz həmin festivalda təmsil olunub.

Milli.Az xəbər verir ki, festival islamofobiya ilə mübarizə, həmçinin müsəlman və qeyri-müsəlman icmaların bir araya gətirilməsi məqsədi ilə keçirilir. MACFEST-in qurucusu və icraçı direktoru Qaisra Şahrazın ev sahibliyi ilə baş tutan festivalda BBC-nin məhşur jurnalistləri, keçmiş diplomatlar iştirak edib. Bu mötəbər tədbirdə ölkəmizi müxtəlif sahələri və qurumları təmsil edən səlahiyyətli şəxslər, tanınmış mədəniyyət və incəsənət xadimləri təmsil ediblər.

Videoformatda baş tutan tədbir iştirakçılarına ölkəmizdəki xristian (Alban) və müsəlman tarixi abidələrinə aid videoçarx təqdim edilib, dini abidələrin tarixi ilə bağlı ətraflı məlumat verilib. Festivalda, həmçinin Azərbaycanın mədəniyyət paytaxtı olan Şuşa şəhəri haqqında geniş informasiya çatdırılıb, milli mətbəximiz, milli geyimlərimiz, Qarabağ atları haqqında videomateriallar nümayiş etdirilib, milli mədəniyyətimizin tarixində özünəməxsus yeri olan xalçaçılığımız barədə ətraflı məlumat verilib.

Bundan əlavə, Azərbaycanın təbii və tarixi gözəlliklərini əks etdirən videoçarxlar da xarici iştirakçıların diqqətinə çatdırılıb.

Tədbirin sonunda Azərbaycan milli musiqi nümunələri səsləndirilib.

Festivalda Azərbaycanın iştirak layihəsinin müəllifi Mançestr Universitetinin məzunu Leyla Qasımovadır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.