Mədəniyyət

“Nərgizin toyundan 1 ay sonra evləndik” - Nailə İslamzadə

4 Noyabr 2019 16:54
9 Şərh     Baxış: 29 127
VTB-də minimal faiz dərəcəsi ilə nağd kredit 9.9%-dən
#MARAQLI #ƏMƏKDAR ARTİST #APARICI

"Heç bir aparıcının xətrinə dəyməsin. Mən digərlərindən fərqli olaraq efirə əlimdə kağız heç vaxt çıxmamışam. Bu, yaxşı yaddaşla bağlıdır. Orta məktəbdə oxuduğum şeirləri indi əzbər deyirəm. Ən uzun mətni 2000-ci ilin sonunda efirdə demişəm. Prezident Aparatından gələn böyük bir mətni oxumaq lazım idi. 1 saat 45 dəqiqə dayanmadan efirdən mətn oxudum. Daha sonra 50 dəqiqə Xəbərlər proqramını apardım".

Milli.Az "qafqazinfo"ya istinadən xəbər verir ki, bu sözləri Əməkdar artist Nailə İslamzadə "Fatehin divanı" proqramında deyib.

Tanınmış diktor proqramda efir həyatından danışıb. O, daha sonra "Əməkdar artist" fəxri adını aldığı günü xatırlayıb: "Çox qəribə bir hadisə olmuşdu. Ad günüm ərəfəsində Azərbaycan Dövlət Televiziyasında suflyora təzə keçmişdik. Xəbərlər proqramının yayımına az vaxt qalmışdı. Çox əsəbi bir halda baş redaktorun otağına keçib dedim ki, 15 dəqiqə qalıb, mətn hazır deyil. O da mənə "təbrik edirəm" cavabını verdi. Söylədim ki, heç ad günü təbrikinin yeridi? Bir dəfə təbrik etmisiz. Daha sonra açıqladı ki, Əməkdar artist olmuşam. Ən gözəl ad günü hədiyyəsi oldu. Məcbur efirdə adımı özüm oxudum, utandığımdan başımı qaldırmadım".

N. İslamzadə efirdə ilk dəfə həyat yoldaşının fotosunu göstərib və sözügedən şəklin tarixçəsindən söz açıb: "Şəkil aparıcı Nərgiz Cəlilovanın toyunda çəkilib. Yeni il çəkilişindən çıxıb toya gəlmişdim. Məclis dekabrın 14-də baş tutmuşdu. Bundan 1 ay sonra bizim toyumuz oldu".

58 yaşlı aparıcı ad günlərində həyat yoldaşı tərəfindən xüsusi diqqət görmədiyini qeyd edib: "Həyat yoldaşım ad günümdə məni adi təbrik edir. Qeyri-adi bir şey olmur. Evlənməzdən əvvəl ad günümdə Moskvadan böyük bir qutu gətirmiş və bir böyük gül hədiyyə etmişdi. Ondan sonra böyük gül dəstəsi hədiyyə etməyib".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.