Mədəniyyət

Opera və Balet Teatrında "Nəsimi" baletinin premyerası olacaq

3 May 2019 16:04

0 Şərh Baxış: 1 707

VTB-də minimal faiz dərəcəsi ilə nağd kredit 9.9%-dən

#OPERA

Mayın 25-də Azərbaycan Dövlət Akademik Opera və Balet Teatrında "Nəsimi" baletinin premyerası olacaq.

Milli.Az xəbər verir ki. tamaşa böyük Azərbaycan şairi İmadəddin Nəsiminin 650 illik yubileyinə həsr olunub.

Məlum olduğu kimi, 2019-cu il Azərbaycan Respublikası Prezidenti İlham Əliyevin sərəncamı ilə "Nəsimi ili" elan edilmişdir. Görkəmli Azərbaycan bəstəkarı Fikrət Əmirovun musiqisi əsasında səhnəyə qoyulan balet bu əlamətdar hadisəyə Opera və Balet Teatrı kollektivinin töhfəsidir.

Tamaşa böyük şair və mütəfəkkir İmadəddin Nəsiminin həyatından bəhs edir. Tamaşanın quruluşçu baletmeysteri Opera və Balet Teatrı balet truppasının bədii rəhbəri, Xalq artisti, "Zirvə", "Qızıl dərviş", "Humay" mükafatları laureatı Kamilla Hüseynova, libretto müəllifi Əjdər Ulduz, musiqi rəhbəri və dirijoru Azərbaycanın Xalq artisti, professor Yalçın Adıgözəlov, quruluşçu rəssamı Azərbaycanın Əməkdar rəssamı Nüsrət Hacıyev, kostyumlar üzrə rəssam Xalq rəssamı, Dövlət mükafatı laureatı Rafiz İsmayılovdur.

Tamaşada əsas rollarda Teatrın balet truppasının aparıcı solistləri - Anar Mikayılov (şair Nəsimi), Əməkdar artistlər Nigar İbrahimova (Nəsiminin həyat yoldaşı), Samir Səmədov (Nəimi), həmçinin İslam Məmmədov (gənc Nəsimi) və Dinara Şirinova (Nəsiminin qızı) çıxış edəcəklər.

May 2019-cu il

AZƏRBAYCAN DÖVLƏT AKADEMİK OPERA VƏ BALET TEATRI

(Nizami küçəsi, 113)

4 may, şənbə	A.Adan "Jizel" - balet	19.00
8 may, çərşənbə	Üz.Hacıbəyli "Leyli və Məcnun" - opera	19.00
12 may, bazar	C.Puççini "Toska" - opera	19.00
15 may, çərşənbə	M.Maqomayev "Şah İsmayıl" - opera	19.00
18 may, şənbə	C.Puççini "Boqema" - opera	19.00
19 may, bazar	Üz.Hacıbəyli "Arşın mal alan"	19.00
25 may, şənbə	PREMYERA F.Əmirov "Nəsimİ" - balet	19.00
26 may, bazar	Z.Hacıbəyov "Aşıq Qərib" - opera	19.00
29 may, çərşənbə	J.Bize "Karmen" - opera	19.00

Milli.Az

Milli.Az - Xəbər Portalı

Opera və Balet Teatrında "Nəsimi" baletinin premyerası olacaq

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?