Mədəniyyət

Azərbaycan Dövlət Akademik Opera və Balet Teatrı yeni mövsümün açılışına hazırlaşır

10 Sentyabr 2018 18:04

Baxış: 3 350

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT #TEATR #OPERA #İNCƏSƏNƏT

Azərbaycan Dövlət Akademik Opera və Balet Teatrı 110-cu yubiley mövsümünün açılışına hazırlaşır.

Milli.Az xəbər verir ki, mövsüm ənənə üzrə sentyabrın 19-da dahi Üzeyir Hacıbəylinin "Leyli və Məcnun" operasının tamaşası ilə açılacaqdır.

Tamaşa bu il 10-cu dəfə keçiriləcək Üz.Hacıbəyli beynəlxalq musiqi festivalı çərçivəsində baş tutacaqdır. Mövsümün açılış tamaşasında əsas rolları Əməkdar artist Elnur Zeynalov (Məcnun), gənc muğam ifaçısı Rəvanə Əmiraslanlı (Leyli), Əməkdar artistlər Cahangir Qurbanov (Nofəl), Təyyar Bayramov (İbn-Salam) və b. ifa edəcəklər. Dirijor Əməkdar incəsənət xadimi Sevil Hacıyevadır.

Üz.Hacıbəyli musiqi festivalı çərçivəsində həmçinin sentyabrın 22-də A.Pyatsollanın "Məhəbbət tanqosu" baleti, sentyabrın 23-də isə M.Maqomayevin "Şah İsmayıl" operasının tamaşaları keçiriləcəkdir.

Sentyabrın 26-da balet həvəskarları Qara Qarayevin "Leyli və Məcnun" və "Don Kixot" baletlərini seyr edə bilərlər.

Sentyabrın 29-da görkəmli opera müğənnisi, SSRİ Xalq artisti Firəngiz
Əhmədovanın 90 illiyi şərəfinə Üz.Hacıbəylinin "Arşın mal alan" tamaşası nümayiş olunacaqdır.

Sentyabrın 30-u bazar günü isə teatrda C.Puççininin "İl Tabarro" operasının tamaşası keçiriləckdir.

Milli.Az