Mədəniyyət

Bakıda irland ritmləri: "Celtic Legends"dən gözəl axşam - FOTO

3 Mart 2014 10:06
0 Şərh     Baxış: 2 422
VTB-də minimal faiz dərəcəsi ilə nağd kredit 9.9%-dən
#FOTOSESSİYA #MƏDƏNİYYƏT #IRELAND
Martın 1-də Heydər Əliyev Sarayında İrlandiyanın dünya şöhrətli "Celtic Legends" rəqs ansamblının konserti olub.

Trend-in məlumatına görə, dünyaca məşhur step rəqsinin usta ifaçıları - "Celtic Legends" rəqs qrupu ilk dəfə Azərbaycanın qonağı olub. Əfsanəvi rəqsləri ilə hər zaman dünyanın diqqət mərkəzində olan qrup sözün əsl mənasında Azərbaycan tamaşaçılarına tam fərqli bir gecə yaşadıb. Tamaşaçılar professional rəqqasların sərgilədikləri step rəqsinin ahəngindən zövq alıblar.
İrlandiya ansamblının şux rəqsləri və orkestrin ifası alqışlarla qarşılanıb.

Konsertin təşkilatçısı Səlahəddin Atalay "Celtic Legends" rəqs qrupunun Azərbaycana dünya turu çərçivəsində, 50 nəfərədək heyətlə gəldiyini bildirib. Qrupun ifa etdiyi step rəqsləri canlı musiqi ilə müşayiət olunub.

Qeyd edək ki, "Celtic Legends" qrupu 2001-ci ildə İrlandiyanın Konnemara torpaqlarında irland musiqisinə və rəqsinə böyük töhfələr vermiş Qalveydən olan gənc istedadlar tərəfindən yaradılıb. Rəqqaslar tamaşaçılarının nəzərində daima fərqli performansları ilə yadda qalıblar. Qrupun bütün rəqqasları erkən yaşlarından tanınmış rəqs yarışmalarının qalibi olublar. Qrup hər zaman öz tamaşaçısını milli irland rəqsinin sehri ilə ovsunlayıb. Qrupun xoreoqrafı Jakinta Şarpe, musiqi direktoru Sin Makkarti və dünya şöhrətli qəhrəmanı Vilyam Boltdur.

Milli.Az

Böyütmək üçün şəkillərə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.