Mədəniyyət

Rafiq Hüseynov:"İşə çıxmağa başlamışam"

14 Yanvar 2014 17:51
0 Şərh     Baxış: 1 333
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR
"Səhhətim yavaş-yavaş qaydasına düşür, get-gedə özümü lap yaxşı hiss edirəm. Bu həftədən artıq işə çıxmağa da başlamışam. Evdə otura bilmirəm, darıxıram. İşdə dostlarla görüşürəm, başım qarışır".

Bu sözləri APA-ya açıqlamasında Türkiyədə əməliyyat olunan məşhur diktor, xalq artisti Rafiq Hüseynov deyib.

Onun sözlərinə görə, səhhətində ümumi zəiflik olsa da, əməliyyat müsbət nəticəsini göstərir: "Hər şey qaydasındadır, dava-dərman qəbul edirəm. Düzdür, səsim hələ tam düzəlməyib, amma həkimlər təminat veriblər ki, əvvəlki kimi olacaq".

R.Hüseynov əlavə edib ki, bu günlərdə akademik Əhliman Əmiraslanovla görüşəcək: "Əhliman müəllim xaricdə idi, ona görə görüşümüz bir az gecikdi. İki günə görüşəcəyik, ümumi müayinə edəcək və qərar verəcək ki, kimyaterapiya Bakıda, yoxsa Türkiyədə olsun".

Qeyd edək ki, R.Hüseynov ağciyər xərçəngindən əziyyət çəkir. O, dekabrın 10-da Türkiyədə əməliyyat olunub. Həkimlər 4 saat çəkən əməliyyatla onun ağciyərinin üstündəki şişi götürüblər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.