Mədəniyyət

“Baharın rəngləri”adlı yaradıcılıq sərgisi açılacaq

16 Aprel 2026 17:20

Baxış: 627

VTB-də minimal faiz dərəcəsi ilə nağd kredit 9.9%-dən

"Təbiətlə təmasda ol, əsrarəngizliyi təsvir et!" şüarı altında böyüyən gəncliyi təbiətlə təmasa sövq etmək, fərqli fəsillərdə təbiətin əsrarəngizliyini göstərmək və mühafizəsinə həvəsləndirmək məqsədi ilə 8-21 yaş arası uşaq, yeniyetmə və gənclər arasında elan olunmuş "Baharın rəngləri" adlı yaradıcılıq sərgisi 2026-cı il 20 və 21 aprel tarixlərində 12:00 və 16:00-da növbəli şəkildə Xətai Sənət Mərkəzində açılacaq.
Sərgiyə ölkəmizin müxtəlif guşələrindən 800-dən çox müraciət daxil olmuşdur və 600-ə yaxın əsər sərgilənmək üçün seçilmişdir.

Tədbirin təşkilatçıları Azərbaycan Rəssamlar İttifaqı, Azərbaycan Dövlət Rəsm Qalereyası, Xətai Uşaq Sənəti Qalereyası və Xətai Sənət Mərkəzidir.

Tədbirin dəstəkçilər isə Azərbaycan Dövlət Rəssamlıq Akademiyası, Azərbaycan Televiziya və Radio Verilişləri QSC, Xətai Rayon İcra Hakimiyyəti və Naxçıvan Rəssamlar Birliyidir.
Əsəri sərgilənən iştirakçıya sertifikat təqdim olunacaq.

İnformasiya dəstəyi - Trend.Az, Day.Az, Milli.Az, Azernews.Az