Siyasət

Azərbaycan Ermənistandan mal idxal edib? - AÇIQLAMA - YENİLƏNİB

16 Aprel 2026 16:34

Baxış: 2 751

Cari ilin mart ayında Niderland Krallığından 960 ABŞ dollar dəyərində qızıl gül idxal edilib.

Milli.Az xəbər verir ki, bu barədə Trend-in sorğusuna cavab olaraq Dövlət Gömrük Komitəsindən məlumat verilib.

Bildirilib ki, "Xarici ticarətin gömrük statistikasının nəşr olunması Qaydası"nın 3.3-cü bəndinə əsasən idxalda malın mənşə ölkəsi tərəfdaş ölkə hesab edildiyindən sözügedən qızıl güllər xarici ticarətin gömrük statistikasında Ermənistandan idxal edilən mallar kimi öz əksini tapıb.

Qeyd edək ki, Dövlət Gömrük Komitəsinin son hesabatında, bu ilin mart ayında Azərbaycanın Ermənistandan ilk dəfə olaraq 960 ABŞ dolları dəyərində mal idxal etdiyi qeyd edilib.

Bundan başqa, cari ilin yanvar-mart aylarında Azərbaycandan Ermənistana 5,757 milyon ABŞ dolları dəyərində məhsul ixrac olunub.

Məlumata görə, bu göstərici Azərbaycanın ümumi ixracının 0,11 faizini təşkil edib.

Milli.Az

_________

Bu ilin mart ayında Azərbaycan Ermənistandan ilk dəfə 960 ABŞ dolları dəyərində mal idxal edib.

Milli.Az bu barədə Dövlət Gömrük Komitəsinə istinadən xəbər verir.

Bundan başqa, cari ilin yanvar-mart aylarında Azərbaycandan Ermənistana 5,757 milyon ABŞ dolları dəyərində məhsul ixrac olunub.

Məlumata görə, bu göstərici Azərbaycanın ümumi ixracının 0,11 faizini təşkil edib./Trend.Az

Milli.Az