Mədəniyyət

Ottavio Palmieri: "Əyalətdə klassik musiqiyə bu qədər insanın maraq göstərməsi məni heyran edib"

30 İyul 2012 09:19

Baxış: 558

VTB-də minimal faiz dərəcəsi ilə nağd kredit 10.49%-dən

#OTTAVİO CAPRİOLO SPA

"Qəbələ festivalı çox yüksək səviyyədə davam edir. Çoxsaylı mətbuat nümayəndələrinin, yüksək səviyyəli musiqiçilərin iştirakı və fərqli musiqi janrlarına müraciət olunması bu tədbirin əhəmiyyətini daha da artırır".

Bu sözləri Heydər Əliyev Fondunun təşkil etdiyi Qəbələ IV Beynəlxalq Musiqi Festivalında iştirak edən İtaliyanın R.Leonkovallo adına Musiqi Festivalının direktoru və eyni adlı musiqi fondunun rəhbəri, tanınmış vokalçı Ottavio Palmieri AzərTAc-a müsahibəsində demişdir.

"Auditoriya bizi çox isti və açıq qəlblə qarşılayır. Bu günlərdə dünya şöhrətli musiqiçilər ifaları ilə bu təntənəli mərasimə xüsusi ovqat gətirirlər", - deyə vokalçı əlavə etmişdir.

Paytaxtdan xeyli uzaq əyalətdə bu qədər insanın klassik musiqiyə yüksək səviyyədə maraq göstərməsinin onu valeh etdiyini vurğulayan O.Palmieri Qəbələ torpağında dünya şöhrətli musiqiçilərin bir araya gəlmələrini mühüm hadisə kimi qiymətləndirmiş, burada olmaqdan məmnunluğunu bildirmişdir.

Milli.Az