Mədəniyyət

Cəlal Abbasovun yaradıcılığına həsr olunmuş portret-konsert keçiriləcək

2 Aprel 2025 17:49
Baxış: 753
VTB-də minimal faiz dərəcəsi ilə nağd kredit 10.49%-dən

Bakı Müasir Musiqi Cəmiyyəti və Muzey Mərkəzinin birgə layihəsi olan "Muzeydə Musiqi Gecələri" növbəti portret-konserti təqdim edir. 05 aprel saat 19:00-da Muzey Mərkəzinin Akt zalında keçiriləcək portret-konsertdə  bəstəkar, professor Cəlal Abbasovun yaradıcılığı işıqlandırılacaq. Portret-konsertdə ifa olunacaq əsərlər -"Onsuz...", Meditations, 2 saylı simli kvartet və vokal silsilələri, "Əkinçi" kvartetilə yanaşı solistlər Fəridə Məmmədova (soprano), Yulia Kərimova (piano), Atabala Manafzadə (piano), Mirxalid Məmmədzadə (fleyta), Kamil Hüseynzadə (vibrafon) və Asim Xəlilov (violonçel) tərəfindən təqdim olunacaq. Gecənin moderatoru bəstəkar Firudin Allahverdidir. 

Əməkdar İncəsənət Xadimi Cəlal Abbasov 1980-ci ildə Azərbaycan Dövlət Konservatoriyasının (hazırda Ü.Hacıbəyli adına Bakı Musiqi Akademiyası) Bəstəkarlıq fakültəsini, dahi bəstəkarımız Q.Qarayevin sinfini bitirmişdir. Müxtəlif janrlarda bəstələnmiş əsərləri arasında dörd simfoniya, beş kantata, iki simli kvartet,  Q.Qarayevin xatirəsinə Postlüdiya (orqan üçün), "Şən bahar" uşaq operası və s. əsərləri misal çəkmək olar. Onun bəstəkar fəaliyyəti ilə yanaşı, professor kimi elmi məqalələri, məruzələri də diqqətə layiqdir. 
Qeyd edək ki, potret-konsertə giriş sərbəstdir. 

İnformasiya dəstəyi -  Trend.Az, Day.Az, Milli.Az, Azernews.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.