İqtisadiyyat

Kişilərlə qadınların maaşı eyni olacaq - Dumada müzakirə gedir

22 Sentyabr 2025 10:12

Baxış: 2 170

VTB-də minimal faiz dərəcəsi ilə nağd kredit 9.9%-dən

#DÜNYADA #İQTİSADİYYAT #RUSİYA

Kişilərlə qadınların maaşı eyni ola bilər.

Milli.Az xəbər verir ki, bu barədə Rusiya Dövlət Dumasında müzakirə aparılır.

Rusiyada qadınlarla kişilər arasında maaş fərqini aradan qaldırmaq biznesin deyil, dövlətin vəzifəsidir. Bu barədə Dövlət Dumasının Ailə müdafiəsi komitəsinin sədri Nina Ostanina açıqlama verib.

Onun sözlərinə görə, qadınların əməkhaqqı kişilərdən orta hesabla 30 faiz aşağıdır və bu məsələ hələ də öz həllini tapmayıb. Deputat xatırladıb ki, hələ illər öncə Davos forumunda Rusiya qadınların əməkhaqqı hüquqlarını pozduğuna görə "sarı kart"la xəbərdar edilmişdi.

"İki il əvvəl qadınların müdafiəsi ilə bağlı milli strategiya qəbul olundu. Hökumət qarşısına qadın və kişilərin maaşlarını bərabərləşdirmək məqsədi qoydu. Amma bu günə qədər real nəticə yoxdur. Ona görə də qadın məsələsinin həll olunduğunu demək sadəcə, özümüzü aldatmaqdır", - deyə Ostanina bildirib.

Deputat vurğulayıb ki, məsuliyyətin biznesin üzərinə qoyulması ədalətli deyil. Xüsusilə çoxuşaqlı ailələrdə qadınların uzun müddət dekret məzuniyyətində olduğunu, yalnız sosial ödənişlər aldığını, bunun isə əməkhaqqı statistikasına daxil edilmədiyini qeyd edib. Onun sözlərinə görə, bu səbəbdən işəgötürənlərin maaş fərqini azaltmaq imkanları məhduddur.

Xatırladaq ki, "RIA Novosti"nin məlumatına əsasən, 2023-cü ilin nəticələrinə görə, "Böyük iyirmilik" ölkələri arasında Rusiya gender maaş fərqinə görə üçüncü yerdə qərarlaşıb.

Milli.Az