Mədəniyyət

Filarmoniyada məşhur piano ifaçısı Mixail Lidski dinləyicilər qarşısında çıxış edəcək

25 Noyabr 2024 14:41

Baxış: 248

#MƏDƏNİYYƏT

6 dekabr tarixində saat 19:00-da M.Maqomayev adına Azərbaycan Dövlət Akademik Filarmoniyasının səhnəsində bədii rəhbər və baş dirijor Azərbaycan Respublikasının Əməkdar artisti Fuad İbrahimovun rəhbərliyi, Ü.Hacıbəyli adına Azərbaycan Dövlət Simfonik Orkestrinin müşayiəti ilə məşhur piano ifaçısı Mixail Lidski (piano, Rusiya) dinləyicilər qarşısında çıxış edəcək.

Proqramda J.Brahmsın 2 saylı piano və orkestr üçün konserti B-dur (op.83) və 3 saylı simfoniyası F-dur (op.90) səslənəcək.

Virtuoz pianoçu, Moskva Konservatoriyasının professoru Mixail Lidski əsas musiqi təhsilini Moskva Dövlət Konservatoriyasında alıb. Burada o, dünya şöhrətli professor Lev Naumovun tələbəsi olub. Lidski həmçinin klassik musiqi ifaçılığı və pedaqoji fəaliyyət sahəsində zəngin təcrübəyə malikdir və gənc pianoçuların yetişdirilməsinə töhfə verir.

İnformasiya dəstəyi - Trend.Az, Day.Az, Milli.Az