Mədəniyyət

"Xalqin mədəni sərvəti" layihəsi Bülbülə həsr olunub - FOTO

6 Noyabr 2024 13:49

Baxış: 312

Fikrət Əmirov adına Gəncə Dövlət Filarmoniyasının təqdim etdiyi "Xalqın mədəni sərvəti" layihəsi Azərbaycan professional vokal sənətinin banisi, SSRİ Xalq artisti, professor, ictimai xadim Bülbülə həsr olunub.

Layihənin ilk günü Gəncə Dövlət Filarmoniyasında Bülbülün əziz xatirəsinə həsr olunmuş konsert proqramı baş tutub.

Konsertdə Xalq artisti Sevinc İbrahimova, Əməkdar mədəniyyət işçisi Mehparə Cəfərova, Əməkdar artistlər Kəmalə Tağızadə, Tural Abdullayev, solist Vasif Bayramov Üzeyir Hacıbəylinin "Sevgili canan", "Sənsiz", Asəf Zeynallının "Ölkəm", Fikrət Əmirovun "Ulduz", "Gülüm" romanslarını, Müslüm Maqomayevin "Şah İsmayıl" operasından Aslan şahın ariyasını, Səid Rüstəmovun "İntizar", Vasif Adıgözəlovun "Qərənfil" əsərlərini ifa ediblər.

İnformasiya dəstəyi - Trend.Az, Day.Az, Milli.Az