Mədəniyyət

Fərəc Qarayevin 80 illik yubileyinə həsr olunan konsert keçirilib - FOTO

23 Aprel 2024 17:32
Baxış: 823
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mədəniyyət Nazirliyinin təşkilatçılığı ilə görkəmli bəstəkar, Azərbaycan Respublikasının Xalq artisti, P.İ.Çaykovski adına Moskva Dövlət Konservatoriyasının professoru Fərəc Qarayevin 80 illik yubileyinə həsr olunan "Fərəc Qarayevin portreti" adlı layihə həyata keçirilir. 

Layihə çərçivəsində Müslüm Maqomayev adına Azərbaycan Dövlət Akademik Filarmoniyasında Fərəc Qarayevin bədii rəhbərliyi ilə tərtib olunmuş "Homage a FQ" adlı konsert proqramı təqdim olunub.

Öncəliklə Əməkdar İncəsənət xadimi, musiqişünas, professor Zümrüd Dadaşzadə bəstəkarın həyat və yaradıcılığı, layihənin özəlliyi haqda dinləyicilərə geniş məlumat verib.

Daha sonra dirijor Orxan Həşimovun rəhbərliyi ilə Üzeyir Hacıbəyli adına Azərbaycan Dövlət Simfonik Orkestri (bədii rəhbər Azərbaycan Respublikasının Əməkdar artisti Fuad İbrahimov), Azərbaycan Dövlət Xor Kapellası (bədii rəhbər Azərbaycan Respublikasının Xalq artisti Gülbacı İmanova) və solistlər Azərbaycan Respublikasının Əməkdar artisti  Fəridə Məmmədova (soprano), İlham Nəzərov (kontratenor) və Eldəniz Ələkbərzadə (piano) çıxış edəcəklər. Musiqi axşamında Fərəc Qarayev, İsmayıl Hacıbəyov, Qustav Maler, Moris Ravel və Con Tavenerin əsərləri ifa olunub.

İnformasiya dəstəyi -  Trend.Az, Day.Az, Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.