Mədəniyyət

Muğam Mərkəzində “Üç nəsil bir konsert” adlı musiqi axşamı təqdim olunacaq

26 May 2023 18:06
Baxış: 718
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İyunun 5-də Beynəlxalq Muğam Mərkəzində "Üç nəsil bir konsert" adlı musiqi axşamı təqdim olunacaq.

Gecədə Xalq artisti Rasim Abdullayev(violonçel), Ülviyyə Abdullayeva(fortepiano) və Anastasiya Mişula (violin) çıxış edəcəklər. Konsert proqramı "Əlhambradan Şirvanşahlara qədər" layihəsinin davamı olaraq reallaşır.  Bu konsert, eyni ailədən olan üç nəsil musiqiçinin səhnədə görüşməsi ilə yanaşı, Ülviyyə Abdullayeva və ispan rəssamı və heykəltəraşı Nani Boronatın şəxsi layihəsinin davamıdır. 2017-ci ildə Nani Boronat tərəfindən başladılan CENTİNELAS (Mühafizəçilər) adlı antropoloji və estetik xarakterli daha geniş bir layihəyə daxil edilmiş fəsildir. 2021-ci ilin payızında Boronat Ülviyyə Abdullayevaya İspan və Azərbaycan ənənələrini birləşdirən sərgi və konsertin eyni vaxtda təqdimatından ibarət olan bu estetik macərada iştirak etməyi təklif etdi. "Mühafizəçilər" fiqurunu nəzərə alaraq, iki emblem, hər iki mədəniyyətin iki təmsilçi memarlıq simvolu  kimi Qranadadakı Əlhambra Sarayı və Bakıdakı Şirvanşahlar sarayı seçilib.  Hər iki coğrafi nöqtə, yəni Granada və Bakı, Asiyaya qədər uzanan müxtəlif Aralıq dənizi mədəniyyətlərinin ərazilərini əhatə edən mədəni körpünün iki ucu kimi qəbul edilir. Əfsanəvi ssenaridə hər iki "mühafizəçi" Əlhambra və Şirvanşahlar bu gün eyni dərəcədə vacib, lakin məsafədə çox uzaq olan, eyni zamanda folklor, mistik və mənəvi ənənələrinə görə ispan-əndəlus və Azərbaycan kimi yaxın olan iki mədəniyyətin fəal simvollarıdırlar. Materialların bir il yarım sürən mübadiləsi və birgə seçimindən sonra, 2022-ci ilin may ayında Münhendə (Haus des Deutschen Ostens) keçirilən ilk konsertdə Ülviyyə Abdullayevanın təklif etdiyi musiqi proqramı ilə birgə Boronatın rəsm və heykəltəraşlıq ssenarisi təqdim edilib. Repertuara həm İspaniyadan (Manuel de Falla, Enrike Qranados və İsaak Albenis), həm də Azərbaycandan (Qara Qarayev və Günay Mirzəyeva) bəstəkarların əsərləri daxil edilmişdi.

Ülviyya Abdullayeva Bakıda ikinci konsert verir, amma bu dəfə Nani Boronatın səhnə heyəti olmadan. Beləliklə, pianoçu öz doğma şəhərində "Əlhambradan Şirvanşahlara qədər" layihəsi üçün yeni material təqdim etmək təşəbbüsünü, məsuliyyətini və meyarlarını öz üzərinə götürür. Bu, atası, məşhur violonçel ifaçısı Rasim Abdullayev və qızı, gənc skripkaçı Anastasiya Mişula ilə əməkdaşlıq nəticəsində genişləndirilmiş və zənginləşdirilmiş yeni repertuardır. Pianoçu Bakıda olduğu müddətdə  Nani Boronatla birlikdə "Əlhambradan Şirvanşahlara qədər" layihəsinin modelləşdirilməsini davam etdirmək üçün doğma mədəniyyətinin estetik materialını toplamaq niyyətindədir.

Biletlər əldə etmək uçün https://iticket.az/events/concerts/uc-nesil-bir-konsert/92629

İnformasiya dəstəyi - Trend.Az, Day.Az, Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.