Mədəniyyət

Avtobusda vəfat edən aktyorun məzarı baxımsız vəziyyətdədir - VİDEO

4 Dekabr 2022 15:11

Baxış: 3 165

VTB-də minimal faiz dərəcəsi ilə nağd kredit 9.9%-dən

#CƏMİYYƏT #MƏDƏNİYYƏT #VİDEO

Gecələdiyi avtobusda vəfat edən aktyor Kamil Məhərrəmovun məzarı baxımsız vəziyyətdədir.

Milli.Az Xəzər TV-yə istinadən bildirir ki, müxtəlif obrazlarla tamaşaçı sevgisini qazanan Kamil Məhərrəmovun Sumqayıt səhər qəbiristanlığında yerləşən məzarını kol-kos basıb.

Onunla uzun müddət bir yerdə çalışan Xalq artisti, rejissor Firudin Məhərrəmov və tamaşalarda dəfələrlə tərəf müqabili olan Növrəstə Həşimova deyir ki, ən çox filmdəki obrazlarına görə tanınan Kamil Məhərrəmovun məzarını bir neçə il əvvəl ziyarət ediblər.

Aktyorun "Yol əhvalatı"nda canlandırdığı Paşa obrazı, "Mən mahnı qoşuram" filmindəki Höcəti, "Evlənmək istəyirəm"dəki Hüseyni, eləcə də "Mozalan" satirik kinojurnalında yaratdığı komik personajlar bu gün də tamaşaçı yaddaşından silinməyib. Ümumilikdə aktyorun filmoqrafiyasında 40-dan çox ekran əsərinin adı var.

Qeyd edək ki, "Xəzər Xəbər"in müraciətindən sonra Sumqayıt şəhər qəbiristanlğının əməkdaşları tərəfindən aktyorun məzarı ətrafında təmizlik işləri görüldü.

Xatırladaq ki, Kamil Məhərrəmov 8 oktyabr 1993-cü ildə 52 yaşında dünyasını dəyişib. Aktorun həyat yoldaşı və 2 qız övladı var.

Milli.Az