Mədəniyyət

"Heç vaxt getdiyim toylarda pul danışmamışam, amma ondan da yaxşı yola salıblar məni"

20 May 2022 16:00
3 Şərh     Baxış: 1 079

"Bir az xəstəyəm, barmağımı şəkərdən kəsiblər, 3-4 dəfə gözümdən əməliyyat olunmuşam. Gözümün biri sıradan çıxıb, digəri isə çox az görür. Ona görə də Fizuliyə, doğma Qoçəhmədli kəndimizə hələ də gedə bilməmişəm. Amma getmək arzusundayam. Şuşadan Fizuliyə asfalt yol çəkirlər, qoy o yol tam çəkilib bitsin, yayda həmin yolla Fizuliyə gedəcəyəm. Kəndimiz üçün, bulaqları, yaylaqları, dağları üçün çox darıxmışam. Mən o dağlarda qoyun otarırdım, səsim dağlarda əks-səda verirdi. Kənddə iki mərtəbəli ev tikdirmişdim, ermənilər hər şeyi məhv ediblər".

Milli.Az xəbər verir ki, bunu moderator.az-a açıqlamasında əməkdar artist, tanınmış muğam ustadı Süleyman Abdullayev deyib. O daha sonra əlavə edib.

"Seyid Şuşinksi o vaxt Fizuliyə gəlib, istedadlı uşaqları seçib Bakıya aparırdı. Mən də gəlib ifa etdim və bəyənib Bakıya dəvət etdi. Bakıda gəlib bacımgildə qaldım. O vaxt Əlibaba Məmmədov, Qulu Əsgərov, Elmira Rəhimova, Zeynəb Xanlarova kim sənətkarlarla birgə təhsil alırdım. Seyid Şuşinskinin çox qəribə dərs demək texnikası var idi, bütün kursları bir-birinə qatıb, dərs deyirdi. Muğamları bir-birimizdən öyrənirdik. Zeynəb Xanlarova görürdü ki, kənddən gəlmişəm, kənd uşağıyam, məni çox istəyirdi, dəstək olurdu. Bacı-qardaş münasibətimiz var idi. Hətta o Milli Məclisdə çıxış edəndən sonra mənə "Əməkdar artist" fəxri adını verdilər. Dedim ki, Zeynəb xanım, bu günə qədər verməyiblərsə, artıq istəmirəm, daha gecdir! Ulu Öndər Heydər Əliyev hakimiyyətə gələn kimi xalq artistlərinə prezident təqaüdü verdi. O zaman mənim nə adım var idi, nə də bu günki tanınırdım. Bir nəfər ona demişdi ki, Süleyman yaxşı oxuyandır, onun yanında qalmışdı. Demişdilər ki, sənə "Əməkdar artist" adını verəcəyik. Mən də gəlib anama demişdim, anam demişdi ki, artist nədir ki, qoy uşaq mahnısını oxusun! Mən də bunu həmin adama deyəndə onu gedib Heydər Əliyevə çatdırmışdı. Bu sözüm ulu öndərin xoşuna gəlmişdi. O vaxt prezident təqaüdlərini xalq artistlərinə verirdilər. Təqaüdləri verəndə demişdi ki, bir qara oğlan var, onun adı niyə siyahıda yoxdur? Bir nəfər yalandan demişdi ki, o müsavatçıdır! Heydər Əliyev demişdi ki, elə şey ola bilməz, tapın onu! Məni axtarıb tapıb, prezident təqaüdü vermişdilər" deyə sənətkar bildirib.

Dədə Süleyman muğam sənətinin bu günki vəziyyətindən də danışıb.

"Mənə "Dədə" ləqəbini xalq özü verib. Çünki həmişə bu xalqın işinə yaramışam, toylarına pulsuz getmişəm. Heç vaxt getdiyim toylarda pul danışmamışam, amma ondan da yaxşı yola salıblar məni. Əvvəldən kasıblarla dolanan adam olmuşam. Bu günki xanəndələrin hamısından razıyam, o qədər istedadlı gənclər var ki. Hamısının adı yadımda qalmayıb, amma elə gözəl oxuyurlar ki, ürəyim dağa dönür. Eldəniz Məmmədovu o vaxt uşaq vaxtı Fizulidə mən kəşf etmişəm. Maşallah indi görün hansı səviyyədədir?! Qavalımın birini Eldənizə, digərini isə Qoçaq Əsgərova hədiyyə etmişəm" deyə xanəndə bildirib.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

3 Şərh:

  • Anonim
    !!! · 20 May 16:1530

    Allah sizə can sağlığı versin dəyərli xanəndəmiz.Gözəl səsiniz,sənətiniz var.Arzu edirəm, doğma torpağınızı gedib görmək sizə də qismət olsun.

    Cavab yaz
  • Anonim
    ¶¶¶¶¶¶¶ · 20 May 17:4330

    Allah ömür versin ulu Sənətkarımıza. Azərbaycanda yaxşı, gözəl oxuyanlar çoxdu Maşallah. Amma Dədə Süleyman qədər muğam və təsniflərimizi şirin, yanğılı,yumşaq, məlahətli ürəyəyatımlı oxuyan 2ci yoxdu. Amma şans köpəyoğlu başqa şeydi. Səsi, oxumağı ondan yuxarı olmayanlar Dədədən qabaqdadırlar. Gözəl insan, Allah sizə qismət eləsin gedib kəndinizi gəzəsiz.... Ay oralara gedənlər, insafınız olsun, Süleyman Abdullayev üzdə olan, kanalları gəzən müğənni olsaydı, yəqin çoxdan yoldaşlıq edərdiz ona. Yaş gedir..... (((((

    Cavab yaz
  • Anonim
    46 · 21 May 00:0300

    Eldəniz yadına salır səni görəsən ay sənətkar?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics