Ölkə

KTM-də xəstələri plastik xərəklə daşıyırlar? - Açıqlama (Video)

21 İyul 2026 00:37

Baxış: 1 409

VTB-də minimal faiz dərəcəsi ilə nağd kredit 9.9%-dən

#VİDEO #XƏSTƏXANA

Sosial şəbəkələrdə Kliniki Tibbi Mərkəzdə (KTM) ağır xəstələrin daşınması üçün istifadə olunan xərəyin (katalkanın) tibbi standartlara uyğun olmadığı, onun PVC plastik boruların birləşdirilməsi ilə hazırlandığına dair görüntülər yayılıb.

Milli.Az xəbər verir ki, sözügedən görüntülərlə bağlı "Qafqazinfo"nun sorğusuna cavab olaraq Klinik Tibbi Mərkəzin mətbuat katibi Ruzbeh Məmməd bildirib ki, KTM-in Radiologiya şöbəsində istifadə olunan təkərli xərək (katalka) xəstələrin maqnit-rezonans müayinəsi zamanı təhlükəsizliyinin təmin edilməsi məqsədilə xüsusi olaraq plastik borulardan hazırlanıb.

"Qeyd edək ki, maqnit-rezonans tomoqrafiyası (MRT) müayinəsi zamanı xəstələrin təhlükəsiz şəkildə müayinə aparatına yerləşdirilməsi üçün maqnit sahəsinə reaksiya verməyən xüsusi katalkalardan istifadə olunur.

Əlavə edək ki, bu, dünya praktikasında da istifadə olunan, aşağı büdcəli və səmərəli həllərdən biridir", - deyə o, əlavə edib.

Müəllif: Ülkər Vəliyeva (Milli.Az redaktor)