Kriminal

Ukraynada “Lotu Quli”nin adamları həbs olundular - FOTO

13 Avqust 2020 11:29

Baxış: 3 695

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ #KRİMİNAL

Ukrayna Təhlükəsizlik Xidmətinin əməkdaşları Odessa şəhərində "Lotu Quli" kimi tanınan azərbaycanlı "qanuni oğru" Nadir Səlifovun dəstəsinin üzvlərini saxlayıb.

Ukraynada "Lotu Quli" kimi tanınan azərbaycanlı "qanuni oğru" Nadir Səlifovun dəstəsinin iki üzvü saxlanılıb.

Milli.Az APA-ya istinadən bildirir ki, bu barədə Ukrayna Təhlükəsizlik Xidməti məlumat yayıb.

Bildirilib ki, Ukrayna Təhlükəsizlik Xidmətinin əməkdaşları tərəfindən Odessa şəhərində xüsusi əməliyyat keçirilib. Əməliyyat nəticəsində "Lotu Quli"nin dəstəsinin iki üzvü saxlanılıb.

Qeyd olunub ki, saxlanılan şəxslər regiondakı sahibkarların oğurlanmasında, quldurluq və soyğunçuluqda təqsirli bilinirlər.

Məlumatda "Lotu Quli"nin dəstənin 4 üzvünün hələ iyun ayında yerli sahibkarlardan bir nəfərini qaçırmağa hazırlaşarkən saxlanılması xatırladılıb.

Saxlanılan hər iki şəxs barəsində cinayət işi başlanılıb, həbs qətimkan tədbiri seçilib.

Faktla bağlı istintaq-əməliyyat tədbirləri davam etdirilir.

Milli.Az