Kriminal

14 yaşlı oğlan atasının 300 manatlıq lotereyalarını oğurlayıb itkin düşdü

16 Dekabr 2019 10:09
0 Şərh     Baxış: 5 323
VTB-də minimal faiz dərəcəsi ilə nağd kredit 10.49%-dən

Ağcəbədi rayonunda azyaşlı atasının lotereyalarını oğurlayıb.

Milli.Az Trend-ə istinadən xəbər verir ki, hadisə rayonun Hindarx qəsəbəsində baş verib.

Qəsəbə sakini Abasquliyev Nazim Asif oğlu polisə müraciət edərək bildirib ki, oğlu, 2005-ci il təvəllüdlü Abasquliyev Şəhriyar Nazim oğlu qəsəbə ərazisindəki "Maqnit" marketin qarşısında onun lotereya satdığı əraziyə gəlib. Ata satışa çıxardığı lotereyaları 14 yaşlı oğluna həvalə edərək nahar etməyə gedib, lakin qayıdarkən oğlunu yerində görməyib.

Araşdırmalar zamanı məlum olub ki, 14 yaşlı Ş. Abasquliyev nənəsinə zəng vuraraq atasının 300 manatlıq lotereyasını oğurlayaraq lotereya olan çantanı boş vəziyyətdə zibil qabına atdığını deyib. Ş.Abasquliyev nənəsi ilə danışandan sonra telefonu söndürüb və həmin vaxtdan sonra onunla əlaqə saxlamaq mümkün olmayıb.

Faktla bağlı araşdırma aparılır.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.