Sağlamlıq

Körpə nə vaxt görməyə, eşitməyə başlayır?

26 Oktyabr 2025 22:29
Baxış: 1 725
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ #UŞAQ

Yeni doğulmuş körpələrin görmə və eşitmə qabiliyyəti doğulduğu andan inkişaf etməyə başlayır.

Milli.Az xəbər verir ki, körpələr doğulanda əsasən işıq və kölgəni ayırd edə bilir, lakin ətrafdakı əşyaları aydın görə bilmir.

Təxminən 2-3 aylıq olduqda yaxın məsafədəki üzləri və obyektləri tanıya bilir, rəngləri fərqləməyə başlayır. 4-6 aylıq dövrdə dərinlik və məsafə anlayışı inkişaf edir, əlləri ilə görmək istədiyi əşyaları tutmağa çalışır. 7-12 aylıq olduqda isə görmə daha aydın olur və uzaq obyektləri də görə bilir.

Eşitmə qabiliyyəti də doğuşdan etibarən inkişaf edir. Körpələr doğulanda səslərə reaksiya verir, xüsusilə ana səsi onları sakitləşdirir. 1-3 aylıqda səslərə baxır, başını dönür, 4-6 aylıqda səsləri fərqləndirir və adını eşidəndə reaksiya göstərir. 6-12 aylıq dövrdə isə sadə sözləri başa düşməyə və onları təkrar etməyə başlayır.

Həkimlər valideynlərə xəbərdarlıq edir ki, körpədə görmə və eşitmə ilə bağlı gecikmə və ya şübhəli əlamətlər müşahidə olunarsa, pediatr və ya uşaq mütəxəssisinə müraciət etmək vacibdir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.