Kriminal

Dubaydan gələn qadın yarım kiloya yaxın qızılla saxlandı

9 Aprel 2015 15:07
0 Şərh     Baxış: 1 718
VTB-də minimal faiz dərəcəsi ilə nağd kredit 9.9%-dən
#AZERBAİJAN #KRİMİNAL

Dubaydan Bakıya gələn qadının çantasında və üzərində yarım kiloya yaxın zərgərlik məmulatları aşkar edilib

Dövlət Gömrük Komitəsindən (DGK) Trend-ə verilən məlumata görə, Dubay-Bakı aviareysi ilə Heydər Əliyev Beynəlxalq Hava Limanına daxil olan Azərbaycan vətəndaşı Sevinc Şirinovaya məxsus yük rentgen aparatından keçirilərkən monitorda zərgərlik məmulatlarına oxşar predmetlərin təsviri görünüb.

Hava Nəqliyyatında Baş Gömrük İdarəsinin əməkdaşı həmin yükə təkrar gömrük baxışı keçirib və bu zaman S.Şirinovaya məxsus əl çantasından, qabaqcadan gömrük nəzarətinə təqdim olunmayan, nə elektron, nə də yazılı formada bəyan edilməyən 11 cüt sırğa, 4 ədəd üzük, 2 ədəd boyunbağı, 4 ədəd qolbağ, 5 ədəd kulonlu boyunbağı aşkar olunub.

Sonra isə S.Şirinovanın üzərində aparılmış şəxsi yoxlama zamanı gömrük nəzarətinə təqdim olunmayan 2 ədəd bilərzik, 2 ədəd boyunbağı və 1 cüt sırğa aşkar edilib.

Faktla bağlı izahatında S.Şirinova aşkar edilən zərgərlik məmulatlarını Dubay şəhərindən aldığını bildirib. O, həmin əşyaları bəyan etməməsinin səbəbini isə qanunvericiliyi bilməməsi ilə əlaqələndirib.

Ədliyyə Nazirliyi Məhkəmə Ekspertizası Mərkəzinin arayışına əsasən, sözügedən predmetlər ümumi çəkisi 314,57 qram olan və 750 əyarlı qızıldan hazırlanan zərgərlik məmulatlarıdır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.