Həbs qərarı bəzi QHT rəhbərlərinin şəxsi hesablarına da şamil edilib
Azərbaycan Baş Prokurorluğunun təqdimatına əsasən rayon məhkəmələrinin qərarları ilə bir sıra qeyri-hökumət təşkilatının (QHT) bank hesabına həbs qoyulub.
APA-nın məlumatına görə, həmin QHT-lər sırasında Rəşid Hacılının sədri olduğu Media Hüquqları İnstitutu İctimai Birliyi, Elçin Abdullayevin sədri olduğu Demokratik Təsisatlar və İnsan Hüquqları İctimai Birliyi, Əsabəli Mustafayevin sədri olduğu Demokratiya və İnsan Hüquqları Resurs Mərkəzi, Ənnağı Hacıbəylinin sədri olduğu Azərbaycan Hüquqçular Assosiasiyası, Leyla Əliyevanın sədri olduğu Milli və Beynəlxalq Araşdırmalar Mərkəzi, Zöhrab İsmayılın sədri olduğu "Azad İqtisadiyyata Yardım" İctimai Birliyi var.
Bu QHT-lərlə bağlı Baş Prokurorluğun məhkəmələrə təqdimatı əsasən eyni məzmunludur. Təqdimatlarda qeyd edilib ki, cinayət işi Azərbaycanın bir sıra QHT-lərin və xarici QHT-lərin filial və nümayəndəliklərinin fəaliyyətində aşkar edilmiş qanun pozuntuları faktları üzrə Cinayət Məcəlləsinin 308.1 və 313-cü maddələri ilə istintaq olunur. Cinayət işi üzrə ABŞ-ın Marşal Fondu, Beynəlxalq Tədqiqatlar və Mübadilə Şurası Humanitar Təşkilatın (İREX), Lixtenşteyn Knyazlığının Açıq Cəmiyyət İnstitutu Yardım Fondunun Azərbaycandakı nümayəndəlikləri və ABŞ-ın Azərbaycandakı səfirliyi tərəfindən bu QHT-lərin bank hesablarına külli miqdarda vəsaitin köçürülməsi ilə əlaqədar həmin pul vəsaitinin cinayətin predmeti olmaqla, alət və vasitə kimi istifadə edilməsinə dair sübutlar mövcud olduğundan ibtidai istintaqın tam, hərtərəfli və obyektiv aparılmasının təmin edilməsi, gələcəkdə cinayət yolu ilə əldə edilmiş pul vəsaitlərinin xüsusi müsadirəsinin təmin edilməsi, həmçinin özgəninkiləşdirilməsinin qarşısının alınması məqsədi ilə həmin QHT-lərin bank hesablarının üzərinə cinayət təqibinin davam etdiyi müddətdə ərzində həbs qoyulmaqla onlar üzrə əməliyyatlar aparılmasına xitam verilsin. Rayon məhkəmələri də bu QHT-lərin bank hesabları üzərinə cinayət təqibinin davam etdiyi müddət ərzində həbs qoyulması barədə qərar verib.
Eyni zamanda R. Hacılı, E. Abdullayev və Z. İsmayılın şəxsi hesabları üzərinə də həbs qoyulub.
Bir müddət əvvəl bank hesabına həbs qoyulmuş Hüquq Maarifçiliyi Cəmiyyətinin sədri İntiqam Əliyev və Z. İsmayıl APA-ya açıqlamalarında adları çəkilən QHT-lərin və şəxslərin bank hesablarına həbs qoyulduğunu təsdiqləyib.
İREX-in Azərbaycan nümayəndəliyinin bank hesabına isə təktərəfli həbs qoyulub. Bunu APA-ya açıqlamasında İREX-in hüquqşünası Ələsgər Məmmədli bildirib. Onun sözlərinə görə, avqustun 1-dən bank hesabından vəsait çıxarmaq mümkün olmayıb. Ə. Məmmədli təşkilatın fəaliyyətinin şəffaf olduğunu, noyabrın 1-ə qədər araşdırmaların başa çatacağına, bank hesabı üzərindən həbs qərarının götürüləcəyinə inandığını qeyd edib: "İREX Azərbaycan Nümayəndəliyi bəyan edir ki, Azərbaycandakı bütün fəaliyyətləri ölkə qanunvericiliyi çərçivəsində həyata keçirilib və yenə də davam edir. Ölkədəki bütün fəaliyyət Əli Həsənovun sədri olduğu Azərbaycan Respublikası Beynəlxalq Humanitar Yardım üzrə Respublika Komissiyası ilə sıx koordinasiya edilib, bütün fəaliyyətlər qarşılıqlı əlaqələndirmə ilə və onlara məlumat verilərək davam etdirilib. Ayrıca, İREX-in Azərbaycan Nümayəndəliyi Azərbaycan qanunlarının tələblərinə hər zaman hörmətlə yanaşır, öz işini qanunvericiliyin, o cümlədən Milli Məclisin 18 iyul 2000-ci ildə qəbul etdiyi "Azərbaycan Respublikası Hökuməti və Amerika Birləşmiş Ştatları Hökuməti arasında Yardım Göstərilməsinin Asanlaşdırılmasına dair Əməkdaşlıq haqqında Saziş"in təsdiq edilməsi barədə qanunun tələblərinə uyğun qurub".
Qeyd edək ki, bundan əvvəl Mirvari Qəhrəmanlının sədri olduğu Neftçilərin Hüquqlarının Müdafiəsi Təşkilatı, İntiqam Əliyevin sədri olduğu Hüquq Maarifçiliyi Cəmiyyəti, Rəsul Cəfərovun sədri olduğu Hüquqi Müdafiə və Maarifləndirmə Cəmiyyəti, Emin Hüseynovun sədri olduğu Reportyorların Azadlıq və Təhlükəsizlik İnstitutunun da bank hesablarına həbs qoyulub.
Milli.Az
Kriminal
Azərbaycanda daha yeddi QHT-nin bank hesabına həbs qoyulub
5 Avqust 2014 19:36
0 Şərh
Baxış: 2 305
DİGƏR XƏBƏRLƏR
- Azərbaycanda iki qardaş yarım milyardı necə mənimsədi?
- Beynəlxalq axtarışda idi - Almaniyada saxlanıldı
- Avtobusdan yıxılıb ölmüşdü - Sürücü cəzalandırıldı
- Milyonlarla dövriyyəsi olan qanunsuz şəbəkə ifşa olundu - Həbs edilənlər var - VİDEO
- “Quska”nı təcridxanada Adil Qeybulla müayinə edəcək - FOTO
- Şamaxıda ata evli qızını zirzəmiyə həbs etdi - TƏFƏRRÜAT
XƏBƏR LENTİ
- Ağdamın yenidən qurulan Eyvazxanbəyli kəndi belə olacaq - FOTOlar
- Bərdə-Yevlax yolunda sahibsiz itləri kim zəhərləyir? - Araşdırma başladı
- Ağızdan gələn pis qoxudan necə xilas olmaq olar? - Həkimdən məsləhətlər
- Almaniyada qaçqınların sayı rekord həddə çatıb
- Ümumdünya Şahmat Olimpiadası: Yığmamız İsveçrəni məğlub edir
- Rövşanə “artist”lərdən yazdı: Bunlar niyə ayrı peşə seçiblər axı...
- Yığmanın basketbolçusu "Abşeron"da
- Zaxarova: "Ermənistanda dövlət çevrilişinə cəhddə Rusiyanın əli yoxdur, günahkar Qərbdir"
- “Onlar monitor arxasında şirə dönən səviyyəsiz adamlardır” - QALMAQAL
- "Azərreyl"də yeni müqavilə
- Bu ərazilərdə görmə məsafəsi məhdudlaşacaq
- Zelenski İrana sanksiya tətbiq etdi
- "Şamaxı"dan növbəti 3 xal, "Qarabağ" "Neftçi"ni böyük hesabla məğlub edib - VİDEO
- “Putin zarafat edib” - Lavrov
- Kreml Krımın statusuna yenidən baxılması barədə Polşanın ideyasını absurd hesab edir
- Hər səhər için və möcüzəni görün
- Məşhur aktyor tanınmaz halda - Fotolar
- “Biz artıq “B” planındayıq” - Zelenski
- Bərdədə arı sancması ölümə səbəb olub
- "Fənərbağça" və "Qalatasaray"ın ulduzları derbini buraxacaq
- ABŞ Azərbaycana daha altı minaaxtaran it yolladı - YENİLƏNİB - FOTO
- Ərdoğan Harrislə görüşə bilər
- Əfqanıstan rəsmisindən Tehranda İrana hörmətsizlik
- “Kompleksləri onu uçuruma apardı, həkim mədəaltı vəzisini deşmişdi...” - FOTO