Kriminal

Ramiz Vəliyevin cəzası bəlli oldu

16 Oktyabr 2025 16:01

Baxış: 774

VTB-də yüksək depozit faizleri daha çox qazandırır

#MƏHKƏMƏ

Vəzifə səlahiyyətlərindən sui-istifadə etməkdə ittiham olunan diplomat Ramiz Vəliyevin məhkəmə araşdırması başa çatıb.

"Qafqazinfo"nun məlumatına görə, Nərimanov Rayon Məhkəməsində keçirilən son iclasda hökm oxunub.

Hökmə əsasən, R.Vəliyev 5 il müddətinə azadlıqdan məhrum edilib. Əlavə cəza olaraq o, 2 il müddətinə müəyyən vəzifə tutma hüququndan məhrum edilib.

Qeyd edək ki, sabiq diplomat Dövlət Təhlükəsizliyi Xidməti (DTX) tərəfindən həbs olunmuşdu. Ona AR Cinayət Məcəlləsinin 308.2-ci (vəzifə səlahiyyətlərindən sui-istifadə) maddəsi ilə ittiham irəli sürülüb.

R.Vəliyev xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməklə fiziki və ya hüquqi şəxslərin hüquqlarına və qanuni mənafelərinə, o cümlədən dövlətin qanunla qorunan mənafelərinə ağır nəticələrə səbəb olan mühüm zərər vurmaqda təqsirli bilinib.

Milli.Az