İdman

Vaqif Cavadov yenidən Niderland klubunda - FOTOlar

16 Oktyabr 2025 15:02

Baxış: 2 088

VTB-də minimal faiz dərəcəsi ilə nağd kredit 9.9%-dən

#FUTBOL #NİDERLAND

"Sumqayıt"ın əvəzedicilərdən ibarət komandasının baş məşqçisi Vaqif Cavadov PRO kateqoriyalı məşqçilik kursları çərçivəsində Niderlandın "Tvente" klubunda təcrübədə olub.

Milli.Az xəbər verir ki, mütəxəssis səfər zamanı həm əsas komandanın, həm də "Tvente" akademiyasının məşqlərini izləyib.

Cavadov komandanın bir sıra rəsmiləri - komandanın baş məşqçisi Con van den Brom, klubun inkişaf direktoru Rob Bodre, skaut Vud Brama, akademiyanın futbolun inkişaf departamentinin rəhbəri Bas van Baar, həmçinin, klubun meneceri Yan van Staa ilə görüşüb, onlarla bir sıra məsələlərdə fikir mübadiləsi aparıb.

Qeyd edək ki, Vaqif Cavadov 2010-2011 mövsümündə "Tvente"də çıxış edib və komanda ilə Niderland çempionu olub. /Oxu.Az

Milli.Az