Kriminal

Yanacaqdoldurma önündə qətl – Bakıdakı dəhşətli cinayətin detalları

28 Sentyabr 2024 09:07

Baxış: 1 926

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #QƏTL #CİNAYƏT

2023-cü il yanvarın 4-də axşam saatlarında Beyləqan sakini 29 yaşlı Qənbər Qənbərov Ziya Bünyadov prospekti ilə Böyük İpək Yolu küçəsinin kəsişməsində yerləşən yanacaqdoldurma məntəqəsinin qarşısında bıçaqlanıb.

Milli.Az Baku TV-yə istinadən xəbər verir ki, yanvarın 6-da səhər saatlarında o, yerləşdirildiyi klinikada dünyasını dəyişib.

Hadisə ilə bağlı Nərimanov Rayon Prokurorluğunda Cinayət Məcəlləsinin qəsdən adam öldürmə maddəsi ilə cinayət işi başlanılıb. Ekspertizanın rəyinə görə, Qənbər Qənbərovun ölümünə kəskin qanitirmə ilə müşayiət olunan şok səbəb olub.

İstintaqla müəyyən edilib ki, yanvarın 4-də saat 22:15-də 27 yaşlı Sənan Hacıyev dostları - 33 yaşlı Elvin Sadıqov və 31 yaşlı Məqsud Həsənovla birlikdə VAZ-2107 avtomobili ilə Ziya Bünyadov prospekti ilə hərəkətdə olarkən qarşısında gedən "Toyota Prius" qəza şəraiti yaradıb. Bu zaman arxadan gələn "Opel Astra" avtomobilini idarə edən Əfrail Qənbərov qəzanın qarşısını almaqdan ötrü onun sağ tərəfindən keçib. Bundan əsəbiləşən Sənan Hacıyev iradını bildirmək üçün maşını sürətlə idarə edərək Əfrail Qənbərova avtomobilini saxlamasını işarə edib. Sənan Hacıyev və dostları Ziya Bünyadov prospekti ilə Böyük İpək Yolu küçəsinin kəsişməsində dayanaraq Əfrail Qənbərov və onun yanında olan qardaşı ilə mübahisə ediblər. Qısa müddətdə mübahisə əlbəyaxa davaya çevrilib. Bu zaman Qənbər Sənanı söyüb, dizi ilə üzünə zərbə vurub. O isə qəzəblənərək gödəkçəsinin cibində saxladığı bıçağı çıxararaq onun döş qəfəsinə vurub.

Bakı Ağır Cinayətlər Məhkəməsinin hökmü ilə Sənan Hacıyev 17 il, Elvin Sadıqov 3 il 6 ay, Məqsud Həsənov 1 il 6 ay müddətinə azadlıqdan məhrum olunublar.

Milli.Az
Xəbərlərimizi WhatsApp kanalımızdan da oxuyun