Kriminal

"Birdəfəlik ölüm hökmü çıxarın, qurtarsın getsin" - Sümbülə Əliyeva

13 May 2024 11:23

Baxış: 1 933

#MƏHKƏMƏ

Bakı Ağır Cinayətlər Məhkəməsində hakim Mahmud Ağalarovun sədrliyi ilə təqsirləndirilən Sümbülə Əliyevanın məhkəmə prosesi davam edib.

Milli.Az Unikal-a istinadən xəbər verir ki, prosesdə Sümbülə Əliyevanın büro sədri olduğu kontorun mühasibi şahid qismində ifadə verib. İbtidai təhsili olan xanım atasının xahişi ilə işə düzəlib. 9 ay işlədiyi müddətdə Sümbülə xanımın məxariclərin hamısının ona vermədiyini qeyd edib:

"Vəkillərin əmək haqqısını mən ödəyirdim".

Sümbülə Əliyeva mühasibə suallar vermək istəsə də hakim buna müdaxilə etdi. Təqsirləndirilən hakimin onun suallarına müdaxilə etdiyini etiraz edərək bildirdi: "Birdəfəlik ölüm hökmü çıxardın qurtarsın getsin".

Növbəti şahid Taliyə Gəncəliyeva istintaq zamanı verdiyi ifadəsini məhkəmədə təsdiq edib.

Şahid, hazırda vəkil işləyən Tofiq Aslanov ifadə verərək bildirib ki, Sümbülə Əliyevadan hər hansı tələb və şikayəti yoxdur.

Məhkəmə prosesi 20 may tarixinə kimi təxirə salınıb.

Xatırladaq ki, Sümbülə Əliyeva mart ayında həbs edilib. Vəkillər Kollegiyası Rəyasət Heyətinin qərarı ilə Sümbülə Əliyevanın vəkillik fəaliyyəti barəsində elan olunacaq hökm qanuni qüvvəyə minənədək dayandırılıb.

Milli.Az
Xəbərlərimizi WhatsApp kanalımızdan da oxuyun