Şou-biznes

"Ərə getmədən ana olmaq istəyirəm"

23 İyul 2026 15:54

Baxış: 909

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #MODEL #ŞOU #HAMİLƏLİK

Müğənni və model Müjgan Ayxan şəxsi həyatı ilə bağlı səsləndirdiyi fikirlərlə sosial şəbəkələrdə geniş müzakirələrə səbəb olub.

Milli.Az-ın məlumatına görə, sənətçi bildirib ki, ana olmaq arzusundadır, lakin ailə qurmağı düşünmür. Onun sözlərinə görə, bu fikri yeni deyil və hələ də eyni mövqedə qalır.

"Fikrim dəyişməyib. Ana olmaq istəyirəm, amma ailə qurmaq istəmirəm. Bu sözümü çoxları yanlış anlayır və başqa cür yozur", - deyə Müjgan Ayxan bildirib.

İfaçı qeyd edib ki, müasir tibbin imkanları bu arzunun reallaşmasına şərait yaradır.

"Hazırda tibb o qədər inkişaf edib ki, ailə qurmadan da ana olmaq mümkündür. Amma bu açıqlamamdan sonra mənə çoxlu şərhlər yazıldı və pis reaksiyalar verildi", - sözləri ilə o əlavə edib.

Müjgan Ayxanın bu etirafı sosial şəbəkə istifadəçiləri arasında fikir ayrılığı yaradıb. Bəziləri sənətçinin seçim hüququnu müdafiə etsə də, digərləri onun fikirlərini tənqid edərək müxtəlif rəylər səsləndiriblər.

Müəllif: Tural Hüseyn (Milli.Az redaktor)