Kriminal

Qadın alverində təqsirləndirilən şəxs məhkəmə zalından azadlığa buraxıldı

23 Noyabr 2022 16:39

Baxış: 1 339

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL

Bu gün Ağır Cinayətlər Məhkəməsində qadınları xaricxi ölkələrə aparıb orada cinsi istismara məruz qoymaqda təqsirləndirilən Elnarə Məmmədovanın cinayət işi üzrə məhkəmə prosesi başa çatıb.

Milli.Az Trend-ə istinadən bildirir ki, hakim Məhəmməd Əkbərovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə E.Məmmədova 8 il 6 ay azadlıqdan məhrum edilib. Lakin himayəsində azyaşlı uşaq olduğundan onun barəsindəki hökmün icrası təxirə salınıb və o, məhkəmə zalından azadlığa buraxılıb.

İttihama görə, 37 yaşlı Elnarə Vladimir qızı Məmmədova Daxili İşlər Nazirliyi İnsan Alverinə Qarşı Mübarizə İdarəsi əməkdaşlarının keçirdikləri əməliyyat tədbirləri nəticəsində saxlanılıb.

O, insan alverində təqsirli bilinib.

E. Məmmədova barəsində Cinayət Məcəlləsinin 144-1.2.5-ci (İnsan alveri qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən törədildikdə) maddəsilə ittiham elan olunub.

Milli.Az