Kriminal

Kürəkən qayınatasını niyə öldürdü? - Dəhşətli qətlin təfərrüatı - VİDEO

19 May 2022 16:00
1 Şərh     Baxış: 2 297

Bakıda qohumlar arasında dava ağır cinayətə səbəb olub. Kürəkən özündən 9 yaş böyük olan qaynatasını bıçaqlayaraq qətlə yetirib. İlkin məlumata görə hadisəni törətməkdə şübhəli bilinən şəxs mərhumun qızı ilə 3 ay əvvəl ailə həyatı qurub. Bəs qohumlar arasında cinayətə səbəb nə olub?

Qaynatası ilə telefonla danışarkən mübahisə edən kürəkən ağır cinayət törədib. O, qaynatasını küçədə bıçaqlayaraq qətlə yetirib.

Milli.Az Xəzər TV-yə istinadən xəbər verir ki, ağır cinayət gecə saatlarında paytaxtın Suraxanı rayonu Şuşa şəhərciyi adlanan ərazidə baş verib. Sabunçu rayon prokurorlouğunun verdiyi məlumata görə 35 yaşlı Taleh Heydərov 44 yaşlı Qabil Qənbərovu bıçaqlayaraq öldürüb. 

Mərhumun onunla birgə yaşayan qaynanası deyir ki, Qabil Qənbərov axşam saatlarında telefonla danışdıqdan sonra küçəyə çıxıb.

Qadın onu da əlavə etdi ki, Taleh Heydərov təxminən 3 ay əvvəl qətlə yetirdiyi Qabil Qənbətovun qızı ilə ailə həyatı qurubmuş.

Hadisə şahidi Müstəqim Məmmədov deyir ki, Taleh Heydərov qaynatasını küçədə bıçaqladıqdan sonra qaçıb. 

Hazırda hadisəni törətməkdə şübhəli bilinən Taleh Heydərovun tutularaq istintaqa təhvil verilməsi istiqamətində əməliyyat-axtarış tədbirləri davam etdirilir. Onun bu cinayəti hansı səbəbdən törətməsı məlum deyıl. Faktla bağlı Suraxanı rayon prokurorluğunda qəsdən adam öldürmə maddəsi ilə cinayət işi başlanıb.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

1 Şərh:

  • Anonim
    Mən · 19 May 17:2100

    Səbəb nədir?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics