Ölkə

Yasamalda 4 nəfər əcnəbini təkləyib, telefonunu əlindən aldı

29 Noyabr 2021 15:24
0 Şərh     Baxış: 684

Bakıda əcnəbi vətəndaşı döyərək qarət edən mütəşəkkil dəstə saxlanılıb.

Daxili İşlər Nazirliyindən Milli.Az-a verilən məlumata görə, Yasamal RPİ-nin 28-ci Polis Bölməsinə noyabrın 25-də "Qanlı göl" adlanan yaşayış sahəsində 3 nəfərin Bakı şəhər sakini X.Dadaşovu döyməsi, baş nahiyəsinə butulka ilə vuraraq pulunu, mobil telefonunu və ayaqqabılarını alması, noyabrın 26-da isə həmin yaşayış sahəsinin yaxınlığındakı meşə ərazisində 4 nəfərin bir əcnəbi vətəndaşı döyərək 100 manat pulunu və 1500 manat dəyərində mobil telefonunu alması barədə məlumatlar daxil olub.

Polis əməkdaşlarının keçirdikləri əməliyyat-axtarış tədbirləri nəticəsində quldurluq əməlini törətməkdə şübhəli bilinən Ucar rayon sakini A.Musayev, Yevlax rayon sakinləri A.Məmmədov, N.Rəhimli və Balakən rayon sakini S.Ovçiyev müəyyən edilərək saxlanılıblar.

Ətraflarında aparılmış tədbirlərlə onların noyabrın 13-də Abşeron rayon sakini S.Xanlarovu və Bakı şəhər sakini A.Əzimovu döyüb onlardan quldurluq yolu ilə pul, gümüş boyunbağı, saat, mobil telefon, qulaqcıq və eynək almaları da müəyyən edilib.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.