Ölkə

Yeni qərarlar barədə açıqlama: "Bu məhdudiyyətlər ola bilər.."

28 Oktyabr 2021 16:52
2 Şərh     Baxış: 12 547

Son həftələrdə bir çox ölkələrdə olduğu kimi Azərbaycanda da yoluxmalar artmaqda davam edir. Sağalanların sayı da yoluxanlardan aşağıdır. Bəzi xarici ölkələrdə epidemioloji vəziyyətin gərginləşməsindən sonra açıq havada maska qadağası bərpa olunub. Sözügedən qadağanın bizdə də yenidən tətbiq ediləcəyi ilə bağlı məlumatlar yayılıb.

Bundan əlavə, həftəsonu Nazirlər Kabineti yanında Operativ Qərargahın brifinqinin baş tutacağı və qapanmalara gediləcəyi barədə müxtəlif fikirlər səsləndirilir.

Mövzu ilə bağlı ölkə.az-a danışan professor, tibb eksperti Adil Qeybulla bildirib ki, yolxumaların artmasında əsas səbəb təmasların artmasıdır:

"Bildiyiniz kimi, məktəblər açılıb. Orta məktəblərdə və ali təhsil müəssisələrində artıq intensivləşən təmaslar mövcuddur. Xüsusilə auditoriyalar və sinif otaqları qapalı mühitdir və burada yoluxma potensialı da böyükdür. Bu gün virusun həm də gənclərdə və uşaqlarda da klinik əlamətlər nümayiş etdirməsi əlbəttə, yoluxma sayını, yoluxma potensialını xeyli artırır. Bütün bunlar dünya üzrə müşahidə edilir və ona görə də qadağalar, o cümlədən açıq havada maska qadağası Ümumdünya Səhiyyə Təşkilatının (ÜST) tövsiyələri ilə ayrı-ayrı ölkələrdə tətbiq olunur. Bu, həm də "delta" virusun yeni ştamının yoluxuculuğu ilə bağlıdır".

A.Qeybullanın fikrincə, Azərbaycanda da müəyyən qadağalar yenidən qüvvəyə minə bilər:

"Hər halda brifinqdə konkret olaraq hansı qərarların səsləndiriləcəyini birmənalı demək çətindir. Amma məntiqi görünən odur ki, müəyyən məhdudiyyətlər olacaq. Məsələn, kütləvi tədbirlərin, toyların müəyyən qədər təxirə salınması müşahidə edilə bilər. Təhsilin onlayn sistemə keçirilməsi - konkret sinif otaqlarının, yoxsa məktəbin bütövlükdə onlayn təhsilə keçirilməsi və s. ilə bağlı qərarlar ola bilər. Müəyyən məhdudiyyətlər təbii ki, olacaq".

Professor söyləyib ki, Azərbaycanda da açıq havada maska taxmaq zərurəti yeni qadağalar siyahısına daxil edilə bilər:

"Bu, epidemioloji vəziyyətdən asılı ola bilər. Artıq bütün dünyada kütləvi vaksinasiya gedir və xeyli yoluxanlar var. Bütün bunların fonunda yoluxmalar hələ də davam edir və bu, narahatlıq doğurur. Əlbəttə, qəbul edilən qərarların hamısı təhlükəsizlik məsələsidir. Bu baxımdan da qayadalara əməl etmək vacibdir. Əhalinin də buna anlayışla yanaşması məqsədəuyğundur".

Milli.Az

35 000 AZN-dək krediti ONLAYN sifariş et!

Şərh yaz:

2 Şərh:

  • Anonim
    Seid · 28 Oktyabr 17:2760

    Hormetli Adil muellim. Evveller size bele hami inannirdi. Indi ise hech kim inanmir. Olmusunuz MEMUR kimi millete soz chatdiran. Bu normal haldir. Ne deyibler onu deyirsiniz. Sadece 8 milion ehaliye 9 milion (resmi) vaksin vurdular bes nooldu. indi kovid chixanlara vitaminler yazirlar vessalam onunlada bitir. sadece chox gec onlasa. Men oz 4 yaxin insan ele sagaldi. hetta SISTEM bele asilmadi. Sadece USTun oyunu oldugu get gede uze chixir. QEYST fondu terefinden maliyye olunan bir qurum insanlara hakim kesilib. Saga sur sola sur deyir. Hamida BASH uste deyir. Achiq ashkar BIll qeyts ALLAH rolunu oynadigini (vaksin istehsal edir) ashkar gosterir. Onun Afrikada neler elediyini helede indi bilinmir.

    Cavab yaz
  • Anonim
    Nağılbazlara · 28 Oktyabr 17:2820

    Siz odla oynayırsız! Onsuzda hamı bezib, axırı pis olacaq. Day nə işiniz qalıb?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.