Ölkə

“Netwoking Azerbaijan” biznes klubu növbəti tədbirini keçirib

11 Sentyabr 2021 18:51
0 Şərh     Baxış: 289

Ənənələrinə sadiq qalaraq, "Netwoking Azerbaijan" bu mürəkkəb dövrdə hər ay tədbirlər keçirməyə və ölkənin işgüzar cəmiyyətini bir araya yığmağa çalışır. Bu dəfə tədbir İçəri şəhərdə yerləşən "Shah Palace" otelində keçirilib. Tədbirdə müxtəlif sahələrdə fəaliyyət göstərən sahibkarlar iştirak edib. Hər zaman olduğu kimi, tədbirin əsas məqsədi sahibkarlar arasında işgüzar əlaqələrin qurulması və genişləndirilməsindən ibarət olub.

Karantin dövründə onlayn tədbirlərin birbaşa görüşlərin yerini tutacağı düşünülsə də, təcrübə göstərdi ki, insanlar, xüsusilə də biznes nümayəndələri canlı ünsiyyətdən imtina etməyə hazır deyillər. Sahibkarlar, nəhayət ki, bir yerə toplaşa və dünyanın işgüzar aləmindəki son tendensiyaları canlı müzakirə etməyə, həmçinin pandemiya dövründə biznes aləmində yaranan çətinliklərlə əlaqədar fikir və təcrübələrini bölüşməyə müvəffəq olmuşlar. 50 nəfərin iştirak etdiyi gecədə biznes klubunun təsisçisi Orxan Hacıyev qonaqları giriş sözü ilə salamlayıb və tədbir boyu aktiv olmağa çağırmışdır. Gecənin fəxri qonağı və spikeri professor, millət vəkili, Avropa Şurası Parlament Assambleyasında Azərbaycan nümayəndə heyətinin rəhbəri Səməd Seyidov olmuşdur. Tədbir ölkələr arasında mədəni-iqtisadi münasibətlərə həsr olunmuşdur.  İştirakçılar bir-biri ilə sərbəst ünsiyyət qura və tədbirin yaratdığı imkanlardan faydalana bilmişlər. Qonaqlar arasında müxtəlif yarışmalar keçirilib, sonda isə ən fəal qonaqlara hədiyyələr təqdim edilib. "Networking Azerbaijan" biznes klubunun bütün tədbirlərində olduğu kimi, bu gecə də rahat ab-havada  keçərək, iştirakçılarının yüksək əhval-ruhiyyəsini təmin edib.

İnformasiya dəstəyi - Trend.az, Day.az, Milli.az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.