Ölkə

Qəhrəman şəhidimiz Ramin Hüseynov - VİDEO

11 Sentyabr 2021 10:30
0 Şərh     Baxış: 384

Vətən müharibəsində qəhrəmancasına döyüşüb şəhid olan hərbçilərimizdən biri də Ramin Hüseynovdur. O, Füzuli rayonu istiqamətindəki döyüşlərdə şəhadətə yüksəlib. Qəhrəmanımız vətən müharibəsində göstərdiyi şücaətə görə ölümündən sonra 3 medalla təltif olunub.

Milli.Az Xəzər TV-yə istinadən bildirir ki, 1993-cü il sentyabrın 8-də Ağsu rayonunun Çaparlı kəndində anadan olan Ramin Hüseynov orta məktəbi bitirdikdən sonra həqiqi hərbi xidmətə çağırılıb. Xidmətini başa vurduqdan bir müddət sonra gizirlik kursunda təhsil alıb. Kursu bitirdikdən sonra "N" saylı hərbi hissədə rabitə taborunun komandir müavini vəzifəsində xidmətə başlayıb.

2016-cı il Aprel döyüşlərindəki xidmətinə görə fəxri fərmanlarla təltif olunub. 44 günlük vətən müharibəsində də iştirak edən Ramin döyüşlərdə böyük şücaət göstərib. O, ötən il oktyabrın 8-də Füzuli rayonu istiqamətində gedən döyüşlərdə qəhrəmancasına şəhid olub. 

Şəhidin doğum günündə yaxınları ilə yanaşı, rayon rəhbərliyi və kənd sakinləri iştirak ediblər. Qəhrəmanımızın məzari ziyarət olunub, ruhuna dualar oxunub. 

Ramin Hüseynov ölümündən sonra "Vətən uğrunda", "Füzulinin azad olunmasına görə" və  "Vətən müharibəsi iştirakçısı" medalları ilə təltif olunub.

Milli.Az 

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.