Ölkə

Bir sinifin bütün məzunları tələbə adı qazandı - VİDEO

9 Sentyabr 2021 13:12

1 Şərh Baxış: 1 527

VTB-də minimal faiz dərəcəsi ilə nağd kredit 10.49%-dən

#VİDEO

Astarada bir məktəb tələbə qəbulunda rekorda imza atıb. Bir sinifin bütün məzunları ali məktəbə qəbul olaraq tələbə adını qazanıblar.

Milli.Az Xəzər TV-yə istinadən bildirir ki, Astara şəhər Mirzə Ələkbər Sabir adına 1 nömrəli tam orta məktəbdə yaradılan təmayül sinifləri artıq öz yüksək nəticəsini göstərir. Məktəbin humanitar, riyaziyyat və iqtisadiyyat təmayüllü 11-a sinfinin 17 məzununun hamısı builki buraxılış və qəbul imtahanlarında yüksək nəticə göstərərək tələbə adını qazanıblar. Sinfin ən yüksək nəticə göstərən şagirdlərindən biri Fatimə Dadaşovadır. Doqquzuncu sinfə qədər heç bir repetitor yanına getmədən fərqlənmə attestatına layiq görülən Fatimə bildirib ki, yalnız bir ildə məşğələlərə qatılıb.

Sinfin məzunlarından 2 nəfəri 600-dən, 2 nəfəri 500-dən, 13 nəfəri isə 300-400 baldan yuxarı nəticə ilə müxtəlif ali məktəblərinə qəbul olunublar.

Sinif rəhbəri Gülnar Məlikzadə isə deyir ki, uşaqlar arasında hər zaman sağlam rəqabət olub. Onların uğur qazanması həm də müəllim-şagird-valideyn əməkdaşlığının düzgün qurulmasının məntiqi nəticəsidir.

Qeyd edək ki, bu məktəbin 36 məzunundan 33-ü ali və orta ixtisas məktəblərinə qəbul olub.

Milli.Az