Ölkə

Ət yediyinə görə ayağı kəsildiyi deyilən pişiklə bağlı - Polisdən açıqlama

18 İyul 2021 16:27
Baxış: 1 827

Sosial şəbəkələrdə "Sədərək" Ticarət Mərkəzində kafelərin birində pişiyin bir ayağının kəsilməsini əks etdirən video tirajlanmaqdadır. Heyvanın ət yediyinə görə kababçı tərəfindən balta ilə ayağının kəsildiyi iddia olunur.

Sözügedən məsələ ilə bağlı DİN Mətbuat xidmətinin şöbə rəisi, polis mayoru Elşad Hacıyev qafqazinfoya bildirib ki, aparılan ilkin araşdırmalarla müəyyən olunub ki, kababçının pişiyin ayağını kəsməsi ilə bağlı iddialar həqiqətə uyğun deyil:

"Araşdırmalarla bu təsdiqini tapmayıb. Həmin pişik bir müddət öncə həmin kafeyə bir gözü kor vəziyyətdə gətirilib və o gündən həmin pişiyə orada xüsusi qulluq olunub. Kafedə kabab bişirilən vaxt pişik manqala tullanıb, nəticədə manqalın üzərində olan maşa onun ayağına düşərək kəsib. Obyektdə heyvana qarşı hər hansı qəsd, işgəncə faktı olmayıb."

Hacıyevin sözlərinə görə, iş üzrə inzibati qanunvericiliyə uyğun olaraq, müvafiq tədbirlərin görülməsi təmin olunacaq: "Qərarının nəticəsindən asılı olaraq, iş üzrə inzibati qanunvericilyə uyğun şəkildə tədbir görüləcək."

Polis mayoru onu da əlavə edib ki, kafenin sahibi pişiyin bütün müalicə xərclərini üzərinə götürüb. 

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.