PUL
.jpg)
Prezident İlham Əliyevin imzaladığı sərəncamla Məftun Qurban oğlu Abbasov Şəhəri Dövlət Qoruğu İdarəsinin İdarə Heyətinin sədri təyin edilib.
Milli.Az xəbər verir ki, Məftun Abbasov 2009-cu ildə Azərbaycan Respublikası Mərkəzi Bankının auditoru kimi çalışıb və daha sonra "Procter&Gamble" şirkətində Daxili audit departamentinin rəhbəri kimi fəaliyyət göstərib.
O, 2012-ci ildən etibarən Azərbaycan Respublikası Baş prokuroru yanında Korrupsiyaya qarşı Mübarizə Baş İdarəsində, Mühüm işlər üzrə əməliyyatçı vəzifəsini icra edib və 2016-cı ildən etibarən "Bakı Beynəlxalq Dəniz Ticarət Limanı" QSC-nin Daxili audit və nəzarət departamentinin rəhbəri, daha sonra Baş direktorun müavini kimi fəaliyyət göstərib. Son təyinatına qədər isə Prezidentin Şuşa rayonu üzrə xüsusi nümayəndəliyində işləyib.
Bakı Dövlət Universitetinin Hüquq fakultəsinin məzunu olan Məftun Abbasov Virginia Beynəlxalq Universitetində MBA üzrə, Strayer Universitetində isə Mühasibatlıq üzrə magistr dərəcəsinə yiyələnib. Daha sonra Vyanada yerləşən Beynəlxalq Antikorrupsiya Akademiyasında magistr dərəcəsi alıb və hal-hazırda Azərbaycan Milli Elmlər Akademiyasında İqtisadiyyat üzrə elmi işini davam etdirir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
.png)
.jpg)
.jpg)
.jpg)
.jpg)