Texnologiya

"WhatsApp" mesajlaşma tarixində yeni dövr

15 Noyabr 2025 11:31
Baxış: 1 901
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #SOSİAL ŞƏBƏKƏLƏR

"Meta" Avropada "WhatsApp" istifadəçiləri üçün üçüncü tərəf çat inteqrasiyasını işə saldığını açıqlayıb.

Milli.Az xəbər verir ki, bu addım Avropa Birliyinin Rəqəmsal Bazarlar Aktının (DMA) tələblərinə uyğun olaraq "WhatsApp"ın digər mesajlaşma platformaları ilə qarşılıqlı işləməsini təmin edir. Bununla da istifadəçilər tezliklə "WhatsApp" vasitəsilə müxtəlif mesajlaşma tətbiqlərindəki kontaktlarla əlaqə yarada biləcəklər.

"Meta" bildirir ki, aylarla davam edən sınaqlar uğurla tamamlanıb. Tezliklə "WhatsApp" istifadəçiləri "BirdyChat", "Haiket" kimi tətbiqlərdəki kontaktlarla birbaşa "WhatsApp"dan yazışa biləcəklər. Bu, Aİ-nin qarşılıqlı fəaliyyət tələblərinə cavab vermək üçün atılan ən mühüm addımlardan biri hesab olunur və mesajlaşma tətbiqləri arasındakı texniki maneələri aradan qaldıracaq.

Yeni sistem aktivləşdirildikdən sonra istifadəçilər üçüncü tərəf kontaktlarına mesajlar, şəkillər, videolar, səsli mesajlar və fayllar göndərə biləcəklər. Qrup söhbəti funksiyası isə tərəfdaş platformaların tam uyğunluq əldə etməsindən sonra istifadəyə veriləcək.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.